BL Harley MS. 958 – page 41v
Llyfr Blegywryd
41v
ẏ ỽr. pan enỻippẏer gẏntaf ỻỽ seith wra+
get. Ar ẏr eil enỻip. ỻỽ pedeir gỽraged ar
dec. Ar ẏ trẏdeth enỻẏp. ỻỽ dec wraged a deu
ugeint. o bẏd neb rẏỽ hẏspẏsrỽẏd ar ẏr en+
O |R bẏd rodẏeit ar wreic ẏ ỽr. [ ỻip.
bit ẏ gỽr dan ẏ|gwadaỽl hẏt ẏm|pen
ẏ seith mlẏned. Ac o|cheiff hi teir nos o|r
seithuet ulỽẏdẏn. hanher ẏ hoỻ da a geiff
ẏ wreic pan ẏscharhont. val hẏnn ẏ rennir
ẏ da. Ẏ|gỽr a|geiff ẏ moch. A|r wreic ẏ deueit.
Odẏna ẏ wreic a ran. a|r gỽr a|dewis eithẏr
ẏ dootrefẏn a|rennir val hẏn. Ẏ ỻaeth·lestri
oỻ ẏ|r wreic. o·nẏt vn paeol. a|r dẏscleu
oỻ. onẏt vn dẏscẏl. A|r vn paẏol a|r vn dẏs+
cẏl a geiff ẏ gỽr. Ẏ gỽr a geiff ẏ karr ac vn
o|r gwedeu. a hoỻ lestri ẏ ỻẏn a|r kerỽẏneu
oỻ. Ac a vo arnunt o|r diỻat gwelẏ. A|r wreic
bieu a vo arnunt o|r diỻat gwelẏ. Os ẏ gỽr
ar hẏnt ẏna a|gẏmer gỽreic araỻ. ef a dẏ+
lẏ anuon diỻat ẏ|gỽelẏ kẏntaf ẏ|r wreic a
ỽrthodet. Ẏ gỽr a geiff ẏ gaỻaỽr a|r tappin.
neu ẏ brẏccan. a|r gobennẏd a|r cỽỻtẏr. a|r
uỽẏaỻ gẏnnut. a|r taradẏr a|r ebẏỻ taradẏr
a|r pentan haẏarn. a|r crẏmaneu oỻ. eithẏr
vn. a|r gradeỻ. Ẏ wreic bieu ẏ trẏbed a|r pa+
| « p 41r | p 42r » |