Oxford Jesus College MS. 119 (The Book of the Anchorite of Llanddewi Brefi) – page 37r
Ystoria Lucidar
37r
O chwplaant hagen eu haruaeth gann uuch+
edoccav yn da. Wynt a|vyddant vraỽdỽyr ar
ereill ygyt a duỽ. onnyt ef a|wnant. truanach
vyddant no dynyon ereill. kanny chaffant
na|r byt na duỽ. Am|yr rei hynny y|dyỽedir. y
vffernn yn vyỽ yd|aant. kannys gwyt ynt.
Beth am y marchogyonn ar kedeyrnn. ychydic
o|da. kannys o dreis yd ymborthant. Ac yd ym+
wiscant. Ac y|prynnant y sỽydeu. Ar tir. Ar
deiladeu. Ac am yr rei hynny y|dyỽedir. eu dydyeu a|di+
ffygyaỽd y|gorỽaged. Ac am hynny y|mae ar+
nunt bar duỽ. Pa obeith yssyd yr gler. nyt oes
yr vn. kannys o|e holl ynni y|maent yn|gwassa+
naethu y diaỽl. Am y|rei hynny y|dyỽedir. nyt
adnabuant ỽy duỽ. Ac vrth hynny. duỽ a|e|tre+
mygaỽd. A duỽ a|watỽar amdanadunt. kanys
a|watỽaro. ef a|wettỽerir. Pa obeith yssyd yr
porthmyn. ychydic. kannys o|dỽyll. Ac annudo+
nev. Ac vsur. Ac ockyr y|keissynt pob peth hay+
ach o|e kynnull. ponyt aant ỽy y|bererindodev.
ponyt offrymant ỽy. pony rodant ỽy alussen+
nev llaỽer yr achỽanegu da vdunt o|duỽ. A|e
gadv gantunt. y gỽnant wy oll hynny. Ac
am hynny y kymerant ỽy ev kyfuloc yma.
Am y|rei hynny y dyỽedir. A ymdiretto o|e|olut
| « p 36v | p 37v » |