Oxford Jesus College MS. 119 (The Book of the Anchorite of Llanddewi Brefi) – page 57v
Ystoria Lucidar
57v
y|kyfuyrgollir. neu yd yiecheir drỽy
y|geiryeu hynn yn vỽyhaf y|dann+
gossir yni. Paham yd ieichir wynt
nev pa delỽ y|bernnir. Yn llys y|ry ef
y|gwyr. y|rei teilỽng hynny. Pỽy a
ant yg|kyfuyrgoll hep varnn. Y|rei
a|bechaỽd hep varnn. megys pagan+
nyeit. Ac Jdeỽon a|uuant gỽedy dio+
def crist. kannys angkret uu keitwa+
daeth eu dedyf ỽynt gỽedy diodeife+
int crist. A|wyl y|rei hynny grist. ~
Gỽelant yr drỽc vdunt. megys y|dy+
ỽedir. wynt a|ỽelant yr hỽnn a|vra+
thassant. kannys yr holl rei enỽir
a|gytssynnyassant am anghev yr ar+
glỽyd. Paham y|dyỽedir amdanunt
ỽy. na chyuyt y|rei ennỽir yn|y|vraỽt.
Ny damweina vdunt ỽy eu barnnv
yno. megys y|gwnnaethant yma. ~
am·danadunt ỽy y|dyỽedir. Ti a|e gos+
sody wynt megys kynne dan ger
bronn dy|ỽyneb dy. Pỽy a|vernnir ac
a ant yg|kyfuyrgoll. Jdeon. a|bechassa+
ant yn erbyn y|dedyf kynn dyfot crist
a|dryckistonogyon* a|wellygyant crist
| « p 57r | p 58r » |