Oxford Jesus College MS. 119 (The Book of the Anchorite of Llanddewi Brefi) – page 82v
Ymborth yr Enaid
82v
Ac yn|y|vann vchaf idi megys ỽybrenn gan+
neit a|e hanueidraỽl ovyn ar baỽp kannys
hi a|allei egluraỽ pann vynnei. a|thyỽyllv
pann vynnei. ac o|r tu asseu yr ganneitlathyr
wybrenn honno yd|oed llathredicfflamm odan
arafdec serchlaỽn yn kyniret gỽres goleuni
yrỽg yr heul a|e phaladyr. ac o|r tu deheu y|r
wybrenn gynntaf yr oed paladyr yr heul yn
disgleiraỽ ac yn goleuhav yr|holl vedyssyaỽt.
Ac yna y|dyỽetpỽyt vrth y braỽt val hynn.
yr heul a|weleisti yn gronn heb diỽed heb de+
chreu arnei. vnolder teir personn y|trindaỽt yỽ
heb dechreu a|heb diỽed arnunt. yr wybrenn
vchaf ganneit ac ar baỽp y hofyn. y|tat yỽ o
nef a|dylyir y ofynhav o vabaỽl ouyn. Sef yỽ
hỽnnỽ ofynhav na|wneler dim na neb ryỽ beth
yn|y erbyn o|r|a|e kotho ef. megys y|dyly mab
da ouynhav y|dat drỽy garyat hyt na|s kodo.
Y|llathredicfflam wybrenn arall odan yr yspryt
glan ysyd dan yn kyniret annỽylserch yrỽg
y|tat ar mab. ar paladyr disgleirlathyr o|r|tu
dehev yỽ vn mab duỽ dat yn lleufer ac eglur+
der yr holl vedyssyaỽt. Ac velle heuyt y|gellir
ac y|dylyir ysgythru y kylch hỽnnỽ yma ar|y
mod y|dyỽetpỽyt vchot. Ac yna glutwediaỽ
| « p 82r | p 83r » |