Oxford Jesus College MS. 119 (The Book of the Anchorite of Llanddewi Brefi) – page 90r
Ymborth yr Enaid
90r
hun digrifdlos o|r mynychyon berlewycuaeu a|rac+
dywetpỽyt. Ac yna o gỽely yn|y|varỽhun honno.
megys hun arall perarafach no|r hun gynntaf
yn dyuot ytt gỽybyd dy|vot odieithyr dy gnaỽt+
olyaeth yn|ysprydaỽl hun dỽy vrỽyt*. Ac yna o
daỽ kof ytt rac per digrifuỽch yr hun honno galỽ
o|th serchaỽlvryt ar ~ yessu ~ yn|dy|vedỽl kynn ny
ellych y|dyỽedut. Ac yna o gỽely dybygy di dy|vot
yn caffel yn|yr hun honno hun arall dribrỽyt* a|vo
perach ac arafach nogyt y|rei ereill. yna ymdyro
oll yr yspryt ar weledigaeth a|ỽelych yn honno ky+
ỽir vyd. kannys y|gann yr yspryt glan y|daỽ. Ac
nyt reit y|mynegi y|neb onnyt y|gyfrinachus get+
ymdeith o grefydỽr na bocsachu amdanei. rac na
del yr eilỽeith. Ar hun honno a elỽir hun uuduga+
ỽl. kannys budugolyaeth yỽ y|chaffel. A budugaỽl
yỽ y neb a|e caffo. Yr amsser pennaf y|dylyhych y|ch+
eissyaỽ yỽ dyỽ sadỽrnn wedy hanner nos yn|lut
ar y|dyd. nev yg|kyfrỽg y|nos ar dyd. ỽedy ry|ym+
baratoych kynn no hynny o vn pryt a|gỽedieu duỽ
gỽener. a dyỽ sadỽrnn. a|thrỽy lan gyffes ymro+
di yr drindaỽt gyssegredic o|nef. Ac odyna y|dyd
hỽnnỽ. nyt amgen dyỽ sul kymer gymun corff
crist. Ar nos honno o|anryded y|drindaỽt. Ac o nerth
a gỽyrthyeu corff crist a gatuyd ti a geffy hun
| « p 89v | p 90v » |