NLW MS. Llanstephan 27 (The Red Book of Talgarth) – page 140v
Purdan Padrig
140v
ac megys y dyweit y gỽynuydedic rigor. Kyt boet iach
hen. eissoes gỽann vyd yn wastat o|e heneint e|hun. Y
gỽr hỽnnỽ a vynnaỽd kyweiryaỽ ystaueỻ idaỽ geyrỻaỽ
hundy y kanonwyr. hyt na wnelei molest y ereiỻ o|e wan+
der a|e heneint ef. Y brodyr ieueingk a delynt y ovỽyaỽ yr
henafgỽr yn vynych o|e garyat. a notteynt dywedut ỽrthaỽ
trỽy chỽare ual hynn. Pa gy·hyt tat y mynny di trigy+
aỽ yn|y vuched honn yma. neu pa bryt y mynny ditheu
vynet odyma. Ynteu a dywedei ual hynn. Gỽeỻ oed gen+
nyf|i vy meibyon vynet odyma kynno hynn no|m byỽ
yma ual|hynn. kanyt oes yma ymi namyn trueni. yn
ỻe araỻ hagen mi a|gaffaf o·gonyant maỽr. Eissoes eỽ+
yỻys duỽ a wneir am·danaf|i o|m buched. Odyna y kan+
nonwyr a glywynt oc eu hundy yn ystaueỻ y braỽt hen
engylyon yn canu yn|y gylch ef ual hynn. Gỽynuyde+
dic ỽyt ti. a gỽynuydedic yỽ duỽ yr hỽnn yssyd y|th eneu
di. Y geneu ny chymerth eiryoet y digrifỽch o vỽyt. kan+
ys y vỽyt ef bara a halen oed. a|dỽfyr oer oed y|diaỽt. Yn+
teu o|r diwed megys y damunaỽd a|aeth att yr arglỽd
duỽ. Diheu oed hynn hagen yn amser padric sant.
ac yn amseroed ereiỻ gỽedy hynny. mynet ỻawer o
dynyon y|r purdan. rei ohonunt a deuynt drachevyn
ereiỻ a beỻynt yno ac ny deuynt vyth. Y kanonwyr
a|berynt ysgriuennu chwedleu y rei a|delynt odyno a|e
damchweineu yno. Deuaỽt ossodedic hagen a|oed y+
no y gan badric. ac a edewis y gỽyr ereiỻ a vuant gỽ+
edy ef. nat elei neb y|r purdan onyt trỽy gennat yr
| « p 140r | p 141r » |