NLW MS. Llanstephan 27 (The Red Book of Talgarth) – page 156v
Deall Breuddwydion
156v
1
Gỽelet dy wely yn gyweir. da vyd dy gardaỽt.
2
Gỽelet dỽy loer neu a vei vỽy. dy allu yn mỽyhau.
3
Gỽelet dy wely yn dec. arỽyd gỽreic fydlaỽn.
4
Dy welet yn kynnull yt. llewenyd a|arỽdocaa.
5
Dy welet yn ymolchi. molest arỽdocaa.
6
Kussanu marỽ. byỽ a|arỽdocaa.
7
Gỽelet dy vam yn varỽ. llewenyd a|arỽdocaa.
8
Gỽelet gỽreic a|e gỽallt yn|y chylch. collet a arỽdocaa.
9
Gỽelet pyscaỽt mor. kyfygrỽyd a|arỽdocaa.
10
Gỽelet mynyd. diogelrỽyd a arỽdocaa.
11
Kymryt mel gan nebun. Tỽyllofein a|arỽdocaa.
12
Cladu dyn marỽ. kennat da a|arỽdocaa.
13
Gỽelet dy varỽ dy hun. tỽyll neu symut pressỽylua. a arỽdocaa.
14
Gỽelet golchi y dỽylaỽ. rydhau o|e bechaỽt.
15
Gỽelet ỻyghes. kennat da a arỽdocaa.
16
Gỽelet nythot adar. neges da a|arỽdocaa.
17
Gỽneuthur neithaỽr. tristỽch a|arỽdocaa.
18
Kerdet yn droetnoeth neu y welet yn noeth. tristỽch. arwydocaa.
19
Gỽelet nyỽl ar y dayar. da a|arỽdocaa.
20
Kynnull kneu. gỽythloned a arỽdocaa.
21
Gỽneuthur dy neges amheraỽdyr neu vrenhin neu vraỽdỽr.
22
Ryỽ deilygdaỽt a arỽdocaa.
23
Dy welet yn kymryt oleỽ. ỻewenyd a arỽdocaa.
24
Gỽarandaỽ organ. jrlloned a arỽdocaa
25
Gỽelet escyrn meirỽ. cas a|arỽdocaa. Gỽneuthur llauuryeu
26
maỽr. teruysc a arỽdokaa*.
« p 156r | p 157r » |