NLW MS. Llanstephan 27 (The Red Book of Talgarth) – page 77v
Ystoria Adda ac Efa
77v
ditheu y|r ffrỽt a|thric yno. a chymer y maen hỽnn gen+
nyt a|saf arnaỽ yn|y dỽfyr hyt dy vynỽgyl. ac na dywet
un geir. a|th eneu di yssyd vudyr o brenn y vuched. kan+
nyt ym deilỽng ni y wediaỽ yn harglỽyd a|n gỽeuusseu
ni budron. byd di yno bedwar diwarnaỽt ar|hugeint o dyd+
yeu. a minneu a|af y ffrỽt Jordan. ac a vydaf yno deugein
niwarnaỽt. ac o damchwein duỽ a gymer trugared o·ho+
nam. Eua a|aeth y|r dỽfyr ac a|wnaeth ual y herchis y
harglỽyd id*. ac adaf a|aeth y dỽfyr Jordan. Ac yna y dyw+
aỽt ef. ti dỽfyr Jordan. kychwyn y·gyt a|mi. a|r pysgaỽt ys+
syd ynot nofyent y|m kylch. a nerthỽch vy ỻaỽ. ac na chỽyn+
ỽch. ac na chỽynỽch chỽi. miui a gỽynaf kany wnaeth+
aỽch chỽi dim cam. namyn mi a|e gỽnaeth. Y pysga+
ỽt a|doethant yn|y gylch y nofyaỽ. ac y gynnal y orch+
ymyn ef. Dỽfyr Jordan a|beidyaỽd a|e redec. ac yno y
bu ef deunaỽ diwarnaỽt. ac am hynny y sorres eu
gelyn ỽrthunt. ac y rithaỽd yn rith angel da tec. ac yd
aeth y|r dỽfyr ỻe yd oed eua. ac yna yd yttoed hi yn wyl+
aỽ am y phechodeu. Yna y dechreuaỽd y gelyn kỽynaỽ
ac ỽylaỽ y·gyt ac eua. a dywedut ỽrthi. dos o|r dỽfyr aỻan
heb ef. a pheit a|th wylaỽ ac a|th lauur. na vit arnat
un pryder. nac ar adaf dy arglỽyd. kanys yn harglỽyd
ni duỽ a|warandewis aỽch wylaỽ chỽi. ac aỽch penyt
a|erbynnyaỽd ef. a|r engylyon a|wediassant drossaỽch.
a duỽ a|m hanuones i attaỽch chỽi y aỽch dỽyn o|r dỽf+
yr. ac y rodi yỽch aỽch bỽyt a|ch diaỽt nefaỽl yr hỽnn
a goỻassaỽch ym paradwys. Pa achaỽs y kỽyny di dos
| « p 77r | p 78r » |