Breudwd Welsh Prose 1300-1425
Cymraeg

NLW MS. 3035 (Mostyn 116) – page 13r

Ystoria Dared

13r

ac ector a|ladaỽd archomenium a|phalomonen ac epitro+
phus. a|depenor a|sedius a drocus a|phoỻixinius tywys+
ogyon groec ac eneas a|ladaỽd amphimacus a|nerus
ac achil a|ladaỽd eufermus. a|diomedes a ladaỽd za+
napus a mesten. ac yna pan welas agamemnon
yr dygỽydaỽd y rei kadarnaf o|r tywyssogyon peidaỽ
ac ymlad a|wnaeth a gỽyr troea ỽynteu a ymchoe+
lassant yn ỻawen o|e kestyỻ drachefyn a·gamemnon
val yr oed notaedic a elwis y tywysogyon y·gyt y
gymryt kygor. ac a anoges vdunt na|pheitynt
a|r ymladeu yr ỻad y|ran vỽyaf o|e gỽyr y vot ef peu+
nyd yn gobeithaỽ dyuot lu o voessia yn borth idaỽ
a|thranoeth a·gamemnon a gymheỻaỽd y hoỻ lu a|e
hoỻ dywyssogyon y|r vrỽydyr ac yn eu herbyn yr
oed ector yn dywyssaỽc ar wyr troea ac ymlad yn
duruig ỽychẏr o bop parth a|wnaethant|yny vu
aerua vaỽr ac o|bop tu y|dygỽydassant ỻawer o vily+
oed a|heb gynhỽỻ yn|y byt y·rydunt heb gygreireu
yr ymladasant petwar|ugeint niwarnaỽt peunyd
y|uuntu yn vaỽrurydus ac yna pan welas a·gamemnon
ỻad ỻawer o vilyoed peunyd o|e wẏr ac na chaei o|ennyt
gladu y|wyr val y ỻedit anuon kenadeu a|wnaeth at
briaf y adolỽyn kygreir idaỽ ef teir blyned. ac vlixes
a diomedes a vuant genadeu at briaf ac a|deuthant
attaỽ ac a odologassant* kygreir idaỽ val yd oed gorch*+
ygarath arnunt megys y|kegreir idaỽ ef kehẏnt gladu
y|rei meirỽ a medeginyaethu y|rei brathedigyon ac atgy+
weiraỽ eu ỻogeu a|chadarnhau eu ỻu a|chyrchu bỽyỻy+
ryeu vdunt. ac hyt nos yr aeth y|kenadeu at briaf
y|kyuaruu a|hỽy o|wyr troea ỻawer ac a ovynassant