NLW MS. 3035 (Mostyn 116) – page 154v
Brut y Tywysogion
154v
ac neur daroed vdunt fo ar yr aỽr gyntaf. ac yna y goruu ar+
naỽ ynteu fo. a gỽgaỽn a|e hymlidyaỽd yn graff yny delis
megys y|hedewis. a|phan deuth kytymdeithon kadỽgaỽn attaw
tagu hỽel a orugant a|r tagedic yn varỽ hayach a|dugant
at y|freinc. ac ỽynteu gỽedy ỻad y ben a ymhoelassant y|r
casteỻ. Yn|y vlỽydyn honno y|gỽelat seren anryued y|gỽelet
yn anuon paladyr oheni yn ol y|chefyn ac o|prafter colofyn
y|veint a|diruaỽr oleuat idaỽ yn darogan yr hyn a vei rac
ỻaỽ. kanys henri amheraỽdyr rufein gỽedy diruaỽrẏon
vudugolyaetheu a|chrefudussaf vched* y grist a|orffoỽyssawd
a|e vab ynteu wedy cael ỻawer ac eistedua amherodraeth
rufein. a|wnaethpỽyt yn amheraỽdyr. ac yna yd anuones
henri vrenhin ỻoegẏr Marchogyon y|darestỽg normandi
a|chyhỽrd ac ỽynt a wnaeth robert iarỻ o vethlem. a gỽedy
y goruot arnunt eu gyrru ar|fo a gỽedy na rymheynt
dim anuon a orugant at y|brenhin y geissaỽ nerth. ac yna
y|brenhin e|hun gyt ac amylder o varchogyon a diruaỽr lu
a vordỽyaỽd drỽaỽd. ac yna y kyhyrdaỽd yr jarỻ yn dilesc
ac ef a|e ganhorthỽywyr ac yn gywarsagedic o dra ỻuosog+
rỽyd y|kymerth fo. a|e ymlit o|r brenhin yny delis ef a|e wyr
a|anuones y|loegyr y|ỽ carcharu a|hoỻ normandi a dodes ỽrth
y|medyant. Yn diwed y vlỽydyn honno y|ỻas meuruc a|griffri
veibon trahaerẏn ap cradaỽc. ac y gan ywein ap kadỽgaỽn. Y vlỽ*+
dyn rac ỽyneb y|diegis Meredud ap bledyn o garchar ac y
doeth y|wlat. ac yna y bu varỽ edwart vab y|moel cỽlỽn
ac yn|y le ef y kynhelis alexandẏr y vraỽt ef y|deyrnas
Y vlỽydyn gỽedy hyny yd anuonet neb vn genedyl diad+
nabydus herwyd kenedlaeth a|moeseu. ny|ỽn py|le yd ym+
| « p 154r | p 155r » |