NLW MS. Peniarth 11 – page 138r

nyt reit ytti vy ovyn i etto. Ac ar hynny dynessau att walchmei

a|oruc ef ac edrych yn|y lygeit. a gỽalchmei a|edrychaỽd arnaỽ

ynteu. ac a|ovynnaỽd idaỽ pioed gỽr. ynteu a|attebaỽd ac a|dywaỽt

panyỽ gỽr yttoed y vorynyon y gadeir. Myn vyng|cret|heb·y gỽal+

chmei mae mỽyaf oỻ y|th garaf. wth* hynny nyt reit ym vn o+

vyn. Na reit Myn vyng|cret heb·y gỽalchmei. bit diogel ytt. Y

marchaỽc kachyat a|edrychaỽd ar daryan walchmei. ac a|e hadna+

bu. ac a|dywaỽt. Arglỽyd heb ef myui a|wnn pa vn ỽyt ti. ac yr

aỽrhonn mi a|disgynnaf ac a|wisgaf vy arueu. ac a varchocka+

af y·gyt a|thi yn iaỽn. kanys mi a|ỽnn panyỽ tydi yỽ gỽalchmei.

kanys mi a|ỽnn nat enniỻei neb y daryan honno onyt tydi. Ac

yna gỽisgaỽ y arueu a|oruc. ac adolỽc y walchmei yr duỽ y aros

yny darffei idaỽ wisgaỽ y arueu. a gỽalchmei a|wnaeth hyny

yn ỻawen ac a|e kymhorthes. ac ual y bydant ỽy yn hynny.

ỽynt a|welynt uarchaỽc ar vrys yn|dyuot ar draỽs y fforest. a

tharyan idaỽ. a|r|neiỻ hanner idi yn|wenn a|r|ỻaỻ yn|du. Ac

yn dywedut yn vchel ỽrth walchmei. aro yna. kanys yd|ỽyf

y|th rybudyaỽ y gan uarius eidic yr hỽnn a|ladaỽd y|wreic o|th

achaỽs|di. A|unbenn heb·y gỽalchmei o|m anuod i y gỽnaeth

ef hynny. a|drỽc vu gennyf idaỽ wneuthur hynny. kanys ny

haedassei hi o|m achaỽs i dim o|e hangheu. Ny thal hynny dim

heb y marchỽc*. namyn os myui a|oruyd tydi yssyd ar y cam. Os

titheu a|oruyd vy arglỽyd inheu yssyd ar|y cam. ac idaỽ y byd y

kewilyd. a thrỽydot ti y byd reit idaỽ gynnal y gasteỻ. drỽy am+

ot vyng|geỻỽng o·honat yn vyỽ. Ny cheissyaf|i amgen heb·y gỽ+

alchmei kanys duỽ a|wyr nat yttwyf|i ar y cam. Yna y marchaỽc