NLW MS. Peniarth 11 – page 139r

di yn dwyn y breich yng|croc ỽrth y hysgỽyd. Mi a|e|dywedaf ytt

yn|ỻawen heb ynteu. Hi a vu yn ỻys brenhin peleur yn gỽassana+

ethu seint greal. a|r ỻaỽ honno pan|doeth y marchaỽc urdaỽl y|r

ỻys yr hỽnn yd ymdangosses seint greal idaỽ. ac ny ovynnaỽd

beth a arwydockaey. ac o achaỽs y bot hi yn|daly y racwerth+

uaỽr lester hỽnnỽ yn|y ỻaỽ. yn|yr hỽnn yd oed y gogonedus

waet yn|disgynnv o vlaen y gỽaeỽ. ac am hynny ny dalya+

ỽd hi etto dim yn|y ỻaỽ. ac nys deily y wers|honn. a|ỻyna ytt yr

achaỽs. ac yn iach ytt a|chan dy gennyat. a|hỽde di vyng|gỽa+

ew i kanys y teu di a|torres. ac nyt reit y minneu ỽrthaỽ.

a gỽalchmei a|e kymerth ac a|gerdaỽd racdaỽ yn vlin ac yn

drauaelus. a marchogaeth a|oruc ef yny oed agos y bryt gos+

ber. a megys yd|oed ef ueỻy nachaf varchaỽc urdaỽl yn kyf+

aruot ac ef. ac yn dyuot ar draỽs y fforest megys gỽr a darffei

y daraỽ drỽy y gorff. ac ar hynt yn govyn y walchmei pỽy o+

ed y henỽ. A vnben heb|ef. ef a|m gelwir i gỽalchmei. Arglỽyd

heb y marchaỽc neur|daruu vy ỻad i yn dy wassanaeth di. Pa

vod yn vyng|gỽassanaeth i heb·y gỽalchmei. Megys yd oedỽn

i yn mynnu cladu y corff heb y marchaỽc a edeweist di yn|y

capel. ac neur|daroed ym gladu kanmỽyaf y pỽỻ a|m cledyf

pan doeth marius eidic a|dwyn y corff y gennyf. a|e vỽrỽ y

vỽystuilot. a|m taraỽ inheu ual y gỽely di. a mi a|af beỻach

o·dyma hyt att veudwy yssyd yn|y coet y|m kyffessu. kanys y

dyrnaỽt yssyd agos y|r gaỻon. ac esmỽythach vyd gennyf|i

vy angheu gỽedy kael dangos vyn dyrnaỽt ytt. Myn vyng