NLW MS. Peniarth 11 – page 198br
Ystoriau Saint Greal
198br
na ryuedet neb ot oed ovyn arnei. ~
J Osep yssyd yn|tystolyaethu na odefaỽd duỽ chweith yspryt
drỽc o|vyỽn y vynỽent honno eiryoet. kanys seint ondras
a|e kyssegrassei a|e dwylaỽ e|hun. Eissyoes ny bu gennat y
ueudỽy drigyaỽ yno eiryoet o achaỽs ysprydoed drỽc a|vyd+
ynt ar|hyt y fforest y rei ny mynnei y vynnwent dim oc
eu kyrff. Ac yna yr vnbennes gỽedy y bot yno dalym hi a
welei o|r tu aỻan y|r vynnỽent marchogyon duon maỽr. a
gỽaewyr tanỻyt maỽr yn eu dỽylaỽ. a|phob vn onadunt
yn ym·guraỽ a|e gilyd ual y teby·gei hi vot y fforestyd yn di+
wreidyaỽ ganthunt. Eissyoes nyt oed yr vn ohonunt
ỽy a|lyuassei dyuot o vyỽn y vynnwent. a|r vorwyn pan
weles hi hynny breid vu na syrthyaỽd y|r ỻaỽr rac ovyn. Y+
na y vorwyn a|roes arwyd y groc arnei ac a ymorchynna*+
ỽd y duỽ a meir. ac edrych o|e blaen. ac arganuot y capel
a|oruc yn hen ac yn|vychan. a|tharaỽ y mul a|oruc hi ac ys+
gỽrs a|dyuot parth ac yno. A|phan|doeth y myỽn hi a|welei
golovyn vaỽr yn|y capel. ac yno hi a|welei delỽ veir. a|cheyr
bronn y|delỽ y gỽediaỽd veir ar y chadỽ yn didrỽc o|r ỻe pe+
riglus hỽnnỽ. ac ar yr aỻaỽr hi arganuu y brethyn y
dathoed hi yno o|e achaỽs. a|hi a doeth tu a|r aỻaỽr ar ve ̷+
dyr kymryt peth o|r|brethyn. Ac yna y brethyn a|gyuodes
y vyny yn vn ffunyt a|phet vei wynt yn mynet ac ef. a
hynny yn gyfuch ac na aỻei hi y gyrhaedut. Och duỽ
heb hi ae o achaỽs vym|pechaỽt i y mae y santeid vreth+
yn hỽnn yn ffo ragof. Och arglỽyd heb hi ny wneuthum
i drỽc y neb eirmoet. na gỽr ny phechaỽd a|m corff|inneu ̷
| « p 198av | p 198bv » |