NLW MS. Peniarth 11 – page 26r
Ystoriau Saint Greal
26r
ef na neb uynet y mewn. Ac yna ef a|edrychaỽd drỽy y
drỽs ac a|arganuv aỻaỽr ac|wrteithyeu tec arnei. a cheyr
y|bronn yr oed canhwyỻbrenn o aryant. a|thapar kỽyr yn
ỻosgi yndo. A|phan weles ef hynny ef a|vu chwannaỽc y vy+
net y|myỽn y edrych pỽy oed yno yn|trigio. Ac yna ymdaraỽ
a|r|barreu a|oruc ef. a|phryt na|thygyaỽd idaỽ geissyaỽ mynet
y myỽn trist vu ganthaỽ. a|dyuot att y varch a|oruc a|e arỽ+
ein hyt yn ymyl y groes. ac|yna tynnv y ffrỽyn o|e|benn a
gadel idaỽ bori. A gỽedy hynny diosc y|helym a|e gledyf a|e
daryan. a|e|roi yn y|ymyl a|chysgu. a|megys yr oed ef gỽedy
ymranhunaỽ. ef a|welei myỽn elor veirch gỽr clỽyfus a
deu balffrei y·danaỽ yn|y arwein. a|r gỽr yn kỽynaỽ y o·vit
yn vaỽr. A|phan|weles ef laỽnslot. edrych arnaỽ a|oruc
heb dyỽedut ungeir ỽrthaỽ. A|r|marchaỽc a|oed yn|y elor
a|doeth geir bronn y groes. ac a|dywaỽt. och duỽ heb ef a|vu
ar ỽr eiryoet poen kymmeint ac yssyd arnaf|i heb wneuthur
hayach o|drỽc. veỻy y|bu y gỽr hỽnnỽ yn ymgỽynaỽ yn|hir.
a|laỽnslot y·rỽng hun a|hun yn gỽarandaỽ arnaỽ. A|gỽe+
dy bot y marchaỽc yn|aros yno yn|hir. ef a|welei laỽnslot
y kanhwyỻbren a|welsei gynno hynny yn|y capel yn dyuot
hyt geyr|bronn y groes. ac ny welei neb yn|y arwein yr|hynn
a|vu ryued ganthaỽ. Ac odyna ef a|welei yn|dyuot y bendi+
gedic lestyr yr|hỽnn a|welsei gynt yn ỻys arthur ac a|elỽir
seint greal. Ac yr aỽr y gỽeles y marchaỽc urdaỽl claf ef yn
dyuot. ef a|ymoỻynghaỽd y|r ỻawr o|r ỻe yr|oed. ac a|gyssyỻ+
daỽd y|dwylaỽ dan dywedut. arglỽyd duỽ heb ef y gỽr a|wna+
eth
| « p 25v | p 26v » |