NLW MS. Peniarth 18 – page 68v
Brut y Tywysogion
68v
1
Ar brenhin a|oedes gymryt y|gỽrogaeth hyt y
2
cỽnsli nessaf gann ellỽg adref rys ap meredud a grufud
3
a|meredud. Ac atal ygyt ac ef gynan ap mere+
4
dud a rys wyndaỽt. Ac yna y|rodes paen lyỽelyn
5
ap yỽein yn vap yg|kadỽryaeth o achos diffyc
6
oet. gỽedy hynny yr ỽythuet dyd o|ỽyl Jeuan
7
y|gỽnaeth rys ap maelgỽn ar pedỽar barỽn
8
vry ỽrogaeth yr brenhin yn|y cỽnsli yn|y gaer
9
yr aghon. Y vlỽydyn honno ỽyl iago ebostol y
10
doeth edmỽnt vraỽt y|brenhin a llu gantaỽ
11
hyt ynn llann badarn. A|dechreu adeilat castell
12
aber ystỽyth a|ỽnaeth. Ac yna y|doeth y|brenhin
13
a|diruaỽr lu gantaỽ yr peruedỽlaỽt*. A|chadarnn+
14
hav llys a|oruc yn|y fflit o diruaỽr glodyeu y+
15
n|y|chylch. odyno y doeth hyt yn rudlan a|e cha+
16
darnhav heuyt o glodyeu yn|y chylch. A|thri+
17
gyaỽ yno dalym a|ỽnaeth. Yn|y vlỽydyn honno
18
duỽ sadỽrn ỽedy aỽst yd enkilyaỽd rys ap mael+
19
gỽn y ỽyned at lyỽelyn rac ouyn y|dala o|r saes+
20
son a|oed yn llann badarnn. Ac yna y|goresgyn+
21
naỽd y|saesson y holl gyuoeth. A chyt ac ef
22
yd enkilyaỽd gỽyr genev yr glynn oll y ỽyned.
23
Ac adaỽ eu tir a|e hydeu yn diffeith. A nos ỽyl
24
vatheu yd aeth edmỽnt. a|phaen y loegyr. Ac
25
adaỽ rosser mulus yn gỽnstabyl yn aber ystỽ+
26
yth. Ac y warchadỽ y|ỽlat. A thranoeth ỽedy
| « p 68r | p 69r » |