NLW MS. Peniarth 31 – page 22r
Llyfr Blegywryd
22r
effeirat y adef ac y enwi y getymdeithon am let+
rat. A thygu hynny ar drỽs y uynwent ac ar
drỽs y kor heb erchi eu kelu; beth bynhac a dar+
ffo ym·danaỽ guedy hynny; credadỽy uyd yr of+
feirat am yr hyn a dywat y lleidyr ỽrthaỽ. kyff+
elyp vod a hynny uyd am dyn a vanacco leidyr
a letrat* a dyccer. o|r tỽng y vanac val hynny yg
gỽyd effeirat. Pỽy bynhac y dywetter arnaỽ
anreithaỽ dyn; os diwat rodet lỽ degwyr a deuge+
int. Managỽr diofredaỽc o|r daỽ gyt ar colle+
dic at effeirat y drỽs yr eglỽys. Archet yr effei+
rat idaỽ yno yr duỽ na dywetto kelwyd ỽrthaỽ.
O|r tỽg yno na dyweit namyn guir. tyghet y
kyffelyb ar drỽs y gagell ar tryded weith uch
pen yr allaỽr. Os guatta y dyn kylus guedy
hynny; kadarnhaet yr effeirat ar y eir teir gỽ+
weith. Ac os guatta y dyn yna. Tyghet yr effei+
rat vn weith gwelet y managỽr a|e glybot yn
kadarnhau y vanac trỽy tỽng yn|y mod y gỽn+
aeth. Ac odyna ny ellir gwat yn erbyn hynny.
a hỽnnỽ yỽ dogyn vanac. Ny ellir kyrch ky+
hoydaỽc o lei no naỽ wyr. y wadu kyrch kyho+
ydaỽc y rodir llỽ degwyr a deugeint. Pỽy byn+
nac a gỽynho yn seuydlaỽc rac dyn o dadyl
| « p 21v | p 22v » |