NLW MS. Peniarth 32 (Y Llyfr Teg) – page 110
Llyfr Iorwerth
110
a eiỻ y gymryt gỽedy as|dycko y uam yn kyfreithaỽl.
Ony byd tat idaỽ; penkenedyl ar y seithuet o
oreugwyr y genedyl a|e kymer. Sef ual y kym+
erir; kymryt o|r|pen·kenedyl dỽylaỽ y mab y+
rỽng y dỽylaỽ ynteu a rodi cussan idaỽ. kanys
arỽyd kerennyd yỽ cussan. a|gỽedy hynny
rodi y ỻaỽ deheu y|r mab yn ỻaỽ yr hynaf o|r
gỽyr ereiỻ. a rodi o hỽnnỽ gussan idaỽ. ac ueỻy
o laỽ y laỽ hyt ar y gỽr diwethaf. Ony byd
pen·kenedyl; degwyr a deugeint o oreugỽyr y
genedyl. ac odyna kymryt y mab o|r gỽr a|vo
yn|ỻe arglỽyd erbyn y ỻaỽ deheu. a|e rodi yn
ỻaỽ yr hynaf o|r gỽyr hynny. a rodi o hỽnnỽ
gussan idaỽ. a|e gymryt o hỽnnỽ yn|y laỽ de ̷+
heu a|e rodi yn ỻaỽ yr eilgỽr hynaf. a rodi o
hỽnnỽ gussan heuyt idaỽ. ac ueỻy o laỽ y
laỽ hyt ar y gỽr diwethaf. Herỽyd gỽyr poỽ+
ys o·ny byd na that na phen·kenedyl; deg+
wyr a deugeint a|e kymer ac a|e gỽatta.
H Owel vab kadeỻ tywyssaỽc
kymry a dyuynnaỽd attaỽ chwe
gwyr o bop kantref yng|kymry hyt
y ty gwynn yn dyuet. a hynny
o|r gỽyr doethaf yn|y gyuoeth. y pedwar o·nad+
unt yn ỻeygyon. a|r deu yn yscolheigyon.
| « p 109 | p 111 » |