NLW MS. Peniarth 32 (Y Llyfr Teg) – page 198
Llyfr Iorwerth
198
parth a|r mach. a|r mach tu ac attaỽ ynteu o
debygu bot yn digaỽn hynny. kyfreith. a varn y
dyd y bo reit y vechni honno. kanys kyt boet
mach ef y gan y neb a|e rodes. o vynet y ỻaỽ
yn|y gilyd o·nadunt; nyt mach ef y|r neb a|e
kymerth. kannyt aeth y ỻaỽ yn|y gilyd oho+
nunt. ac ỽrth hynny y mae balaỽc vechni.
Eil balaỽc vechni yỽ; o deruyd y dyn prynu
peth y gan araỻ. ac erchi mach ar y peth. ac
estynnu o|r dyn a|e gỽertho y laỽ parth ac att
y mach. ac estynnu o|r mach y laỽ parth ac
attaỽ ynteu. a heb ymgyuaruot y ỻaw a|e gilyd.
Ac odyna rodi o|r mach y laỽ yn ỻaỽ y neb ry
bryno y gyfnewit ar gedernyt; kyfreith. a|dyweit ac
a varn y vot ef yn uach y|r gỽr a|e kymerth yn
kyfreithaỽl. ac nat mach ynteu y|gan y neb ny|s rod+
es yn kyfreithaỽl. a channyt oes idaỽ le y kymheỻo y
vechni; talet e|hun neu dygỽydet yn|y gouit
adel o·honei. Tryded balaỽc vechni yỽ; o|deruyd
y|dyn kymryt mach yn absen ar beth. a rodi
o rodyaỽd·yr y mach y vechni yn|ỻaỽ y mach
nyt ydiỽ yn|y ỻe. A rodi o|r mach y laỽ yn kyfreithaỽl
yn ỻaỽ gennat y neb y kymerỽyt y mach i+
daỽ. a hynny yn|enwedic heuyt y|r dyn nyt
ydiỽ yn|y ỻe; kyfreith. a varn na rymha. Sef ỽrth yỽ;
kyt el y ỻaỽ yn|y gilyd y bop un o|r tri dyn y
| « p 197 | p 199 » |