NLW MS. Peniarth 33 – page 53
Llyfr Blegywryd
53
ẏ|kẏnhen ẏnn|ẏ wẏd kẏnn o|hẏnnẏ. ac na
bỽẏnt vn dull. ~ Ac o|r gỽatta vn ẏn erbẏn
ẏ|ỻall; dir ẏr ẏỽ idaỽ tẏgu ẏg gỽẏd ẏr
arglỽẏd Ysbeit naỽ nieu a|geiff arglỽ+
ẏd am|ẏ|lỽ. ẏ|vedẏlẏaỽ ẏ|mod ẏ|tẏgho. ̷
Oet ẏssẏd ẏ offeirat am|ẏ lỽ. hẏt ẏr
amser ẏ|gaỻo ganu offeiren* ẏn gẏntaf
Eil dẏn ẏỽ; abbat rỽg ẏ deu|vẏnach. ̷
Trydẏd ẏỽ; tat ẏrỽg ẏ|deu|vab. gan do ̷+
di y laỽ ar benn ẏ|mab ẏ|tẏgho ẏnn|ẏ
erbẏn. A|thẏgu mal hẏnn; Mẏn duỽ
a|m crewẏs o tat. a|thitheu ohonnaf inh+
eỽ; gỽir a|diwedaf|i ẏrot ti a|th|vraỽt. Pe+
twerẏd ẏỽ; braỽdỽr ẏrỽg deudẏn a|u ̷+
ỽẏnt ẏn amrẏsson am|ẏ|barnn a|rodas+
sei ef vdunt gẏnn o|hẏnnẏ. Pẏmhet
ẏỽ; mach; am ẏ vechni kẏfuadef ẏrỽg
deudẏn pan diwatto rann o|e vechni. ac
adef rann arall. Whechet ẏỽ; offeirat
ẏrỽg deudẏn o|blỽẏf. am ẏr hẏnn a|tẏs+
tẏssant idaỽ kẏnno hẏnnẏ. Seithuet
ẏỽ; Morỽẏn am ẏ|gỽẏdaỽt* os ẏ|rodet
idaỽ a|e hameu ẏr gỽaethau ẏ|breint; cre ̷+
dadỽẏ vẏd hi o|vẏỽn ẏ deudeg mlỽẏd ~ ~ ~
| « p 52 | p 54 » |