NLW MS. Peniarth 35 – page 115r
Llyfr y Damweiniau
115r
kerdedỽr alltut cleuychu ar ford a|e uarỽ. a
pa tir bynhac y bo marỽ arnaỽ. Ef a| tal pe+
deir ar| ugeint yn| y ebediỽ. A|e da y am hyn+
ny yr arglỽyd. Os gỽreic uyd. un ar pym+
thec. Amobreu merchet y gwyr a dywe+
dassam ni uchot. kymeint ynt ac ebedi+
weu eu tadeu. Ny thal gỽreic byth na+
myn un amobyr o kyfreith. Ac sef y tal hỽnnỽ o
ureint y tir yd henyỽ o·honaỽ. Ac ny dyly
neb talu drosti namyn hi e| hun Ony bei y ro+
di o|e that. Neu y brodyr. Neu o|e chenedyl.
Ac Ony na chymerynt mach ar y hamobyr. y ro+
dyeit a| dylyant y talu Cany chymerssant
uach arnaỽ. Pỽy| bynhac a| treisso gỽreic
talet y hamobyr. Sef achos na thal gỽreic
namyn un amobyr vrth ureint
arglỽyd y tir hỽnnỽ y byd. Ac nyt vrth ure+
int y kenedyl namyn vrth y gỽr y| del idaỽ.
O tri achos y| telir amobyr. un o·nadunt o
rod ac estyn kyny bo kywelyogaeth. Eil
yỽ o kywelyogaeth kyhoed kyny bo rod ac
estyn. Trydyd yỽ o ueichogi. Teir mer+
chet ny dylyir amobyr udunt. merched
ling. A merch arglỽyd. A merch penteu+
lu. Sef yỽ vrth na dylyir ebediỽ eu tadeu
namyn eu hemys a|e milgỽn a|e hebogeu
ac eu harueu. Merch arglỽyd ny dylyir
| « p 114v | p 115v » |