NLW MS. Peniarth 45 – page 19
Brut y Brenhinoedd
19
assei gyt ac anthenor o tro a chorineus yn tywys*
arnadunt y gỽr goreu y gyghor o|r gwyr mỽ+
yhaf y nerth a|e leỽder a|e gedernyt. Ac gỽedy
ymadnabot o·nadunt Gỽrhau a oruc Corineus y
Brutus ar bobyl a oed y gyt ac ef. A hỽnnỽ a gan+
horthỽyei Brutus lle bei reit ỽrth ỽr y ymlad. Ac
odyna y doethant hyt ym porth ligeris yng
gwasgwin a bỽrỽ angoreu yno ac yno y gor+
ffỽyssassant seith nieu ac yn yr amser hỽnnỽ
yd oed Gofar fichti yn urenhin yng gwasgỽin
a pheitaỽ. Ac gỽedy clybot o hỽnnỽ disgynnu
estraỽn genedyl yn|y wlat anuon a|wnaeth
attunt y ỽybot bet a|uynynt a|e ryuel a|e he+
dỽch ac ual yd oed gennadeu Goffar yn dyuot
y kyuaruuant a chorineus a deu canỽr y gyt ac
ef yn hely forest y brenhin a gouyn a wnaeth+
ant idaỽ pỽy a|ganadassei udunt hely y forest
Cany dylyei neb hely forest brenin. Na llad
y aniueileit heb y gan yat. Ac y dywaỽt co+
rineus na cheissassei ef eiroet y kyuryỽ gan+
hyat Sef a wnaeth un o|r kennadeu ymbert
y enỽ anelu bỽa a bỽrỽ Corineus Sef a oruc yn+
teu gochel y saeth ac ysclyuyeit y bỽa o|e laỽ
ac ar bỽa briwaỽ y penn yn drylleu a fo a wn+
aeth y lleill ac o ureid y dianghassant y gantaỽ
| « p 18 | p 20 » |