NLW MS. Peniarth 45 – page 296
Trioedd Ynys Prydain
296
ell tri. o Bedwyr. mab. pedraỽt. oed hỽn+
nỽ. Tri gleỽ. ynys. prydein. tri meib hayarn+
wed uradaỽc. Grudnei. A|henpen. Ac e+
denaỽc. Tri thrahaus. ynys. prydein. sawyl benn
uchel. A phasken. mab. uryen. A run. mab.
einaỽn. Tri ysgymyd aereu. ynys. prydein. Gil+
bert. mab. catgyffro. A moruran eil|te+
git. A gỽgaỽn cledyfurud. Tri
gỽrdueichat. ynys. prydein. Drystan. mab. tallỽch
a getwis moch march. mab. meirchaỽn.
tra aeth y meichat y erchi y essyllt dyfot
y gynadyl ac ef. Ac arthur yn keissaỽ
un hỽch a|e y tỽyll a|e y treis. Ac ny|s
cauas. A phryderi. mab. pỽyll amỽyn
a getwis moch penndaran dyuet yg glyn
cuỽch yn emlyn. Acholl. mab. collurewy.
a getwis henwen hỽch dallweir dall+
ben a aeth yg gordodo hyt ym penryn
aỽstin yg kernyỽ. Ac yna yd aeth yn|y
mor. Ac yn aber tarogi yg gwent is co+
et y doeth yr tir. Acholl. mab. collurewy a|e
laỽ yn|y gỽrych pa fford bynhac y kerdhei
nac ar uor. Nac ar tir. Ac ymaes gwe+
nith yg gwent y dotwes gwenithen a
gwenenen. Ac er hynny y mae goreu lle
y wenith y lle hỽnnỽ. Ac Odyna yd aeth
hyt yn llonwen ym penuro. Ac yno y dot+
| « p 295 | p 297 » |