Bodorgan MS. – page 124
Llyfr Cyfnerth
124
gofyn. Eil yỽ amdiffyn hyt nat attepper
byth yr gofyn. Trydyd yỽ attep val na
choller dim yr yr haỽl. Tri pheth nyt
reit attep y neb o·honunt. Vn yỽ peth ny
bo diebredic yn erbyn kyfreith. Eil yỽ gỽe+
ithret y galler dangos y argywed o|r gỽne+
ir ac ny dangosser. Trydyd yỽ peth ny
ỽyppo gỽlat o neb ryỽ Hyspysrỽyd yr ha+
ỽlỽr y golli. Tri ryỽ diebryt yssyd. Vn yỽ
adaỽ argywed ar dyn neu ar yr eidaỽ heb
wneuth* iaỽn na hedychu ymdanaỽ. Eil
yỽ dỽyn peth ac nat atuerher trachefyn.
Trydyd yỽ diebryt dyn o|e dylyet dros am+
ser y talu. O tri mod y kae kyfreith rỽg ha+
ỽlỽr ac amdiffynnỽr. Vn yỽ o golli y am+
ser. A hỽnnỽ a damweinha o lawer mod.
Eil yỽ o haỽl heb perchen. Trydyd yỽ o
teruynu y dadyl yn gyfreithaỽl kyn no hy+
nny. Tri theruyn haỽl yssyd. Vn yỽ ter+
uyn gossodedic trỽy gymrodedwyr rỽg ple+
iteu. Eil yỽ teruyn o gyfundeb y pleideu.
Trydyd yỽ teruyn trỽy varn. Teir dadyl
a dylyant eu barnu ac eu iachau gỽlat.
yn erbyn haerllugrỽyd. Vn yỽ dadyl am
| « p 123 | p 125 » |