Bodorgan MS. – page 13
Llyfr Cyfnerth
13
y warthafyl pan escynho. Teir·gveith yr anrec+
ca y brenhin ef y nos honno. Ar neillaỽ y kyg+
hellaỽr yd eisted yg kyfedach. Croen hyd
a geiff y wneuthur tafyl hualeu idaỽ. Ebran
deu varch a geiff y varch ef. llestyr a eruyll
y wiraỽt yn| y llys. March bitwosseb a geiff
y| gan y brenhin. Bỽyt seic a thri chorneit o
lyn a geiff yn| y lety. Ef a geiff nyth y llamys ̷+
ten a gaffer ar tir y llys. O|r pan dotto yr he+
bogyd y hebogeu yn| y mut; ny dyry atteb yr
neb a|e holho. Gỽest vn·weith pop blỽydyn ar
tayogeu y brenhin a geiff. Teir anrec beunyd
a enuyn y brenhin idaỽ yn llaỽ y| gennat eith+
yr y dyd y dalyo ederyn enwaỽc neu yn| y teir
arbenhic. kanys e| hunan ae kymer yna.
Ef bieu callon pop llỽdyn a lather yn| y llys.
PEn kynyd a geiff croen ych y gayaf y wne+
uthur kynllyfaneu. Ar les y brenhin
yd helyant y kynydyon hyt galan racuyr.
Odyna a gaffont hyt naỽuetdyd o racuyr
nys kyfranant ar brenhin. Ny byd golhỽ+
ythan breinhyaỽl yn hyd brenhin gỽedy ka+
lan gayaf. Naỽuetdyd racuyr y dyly y pen
kynyd dangos y gỽn ae gyrn ae gynllefaneu.
| « p 12 | p 14 » |