Bodorgan MS. – page 68
Llyfr Cyfnerth
68
y ulỽydyn y* ulỽydyn* y bei y uynyglaỽc
ar y moch; breint ki a gymerei ynteu
yna arnaỽ. Ar ulỽydyn y bei y| gyndar+
ed ar y kỽn; breint hỽch a gymerei
ynteu yna arnaỽ. Yscyfarnaỽc heuyt
ny wnaethpỽyt gỽerth kyfreith erni;
kanys y neill mis y bydei ỽryỽ ar llall
y bydei venyỽ. Gỽerth ystalỽyn. march
a allo toi a chassec o|e vlaen ac arall yn| y
ol. Gỽerth baed kenuein. baed arall
a allo cleinaỽ a hỽch o|e ulaen ac arall
yn| y ol. Gỽerth tarỽ trefgord. tarỽ ar+
all a allo llamu. a buch o|e ulaen ac arall
yn| y ol. Bleid a chadno ac amryfyal ̷+
on ereill ny wnelhont namyn drỽc. ny
wnaethpỽyt gỽerth kyfreith arnunt.
kanys ryd yỽ y paỽb eu llad. Gỽerth pop
aneueil o|r a ysser y| gic eithyr y moch. deu+
parth y| gỽerth a uyd ar yr eneit. ar tray+
an ar y korff. Teithi gỽr yỽ gallu kyt
a gỽreic a bot yn gyfan y holl aelodeu.
Teithi gỽreic yỽ dyuot arỽyd etiuedu
idi. a bot yn gyfan y holl aelodeu.
Teithi treis yỽ. llef. a chorn. a chỽyn.
| « p 67 | p 69 » |