BL Cotton Titus MS. D IX – page 36v
Llyfr Blegywryd
36v
twylluorỽynn. TRi da nyt reit mach ar ̷+
nunt. Da a|rodho arglỽyd y dyn. a|chy+
myn. a|gymero offeirat y|gan y marỽ.
a da a gymero medyc y|gan y|neb a|d ̷+
a vedyccinnaetho.
T Eir marỽ tystolyaeth y·ssyd; am
tir. ac a|ssauant yg|kyureith
a|barnn. Vn yỽ; o|r kyffroir da+
dyl am|tir yn|llys. a|e|theruynu
yg|gỽyd gỽyr y llys. gỽedy y|bo marỽ y
rei hynny. tystolyaeth y|hettiuedyonn
hyt y gorỽyron. neu achỽanec a|gredir
am|yr hynn a glyỽyssant gan y|reeni o|r
dadyl honno. a rei hynny a elỽir gỽyby+
dyeit am|tir. Eil yỽ; henuryeit gỽlat
y|wybot ach ac etryt rỽg kenedyl a|ch+
arant. a dyn a ofuynno tir trỽy ach.
ac etryt. a* |naỽuettydyeu. kalan mei.
neu galan gayaf. Trydyd yỽ; pan wel+
her pentanvaen tat y|dyn a|ofuynno y ̷
tir. neu y|hentat. neu y orhentat. neu
ereill o|e genedyl. neu le adeil y|ryeeni ar
tir. Y|rei hynny oll a|ssauant yn|lle tyst+
on idaỽ ar|y|dylyet. TRi thorllỽyth vn
werth ac eu mameu yssyd; nac vn a|uo
na|lliaỽs y|bỽynt. o|r dygir yn lletrat. tor ̷+
| « p 36r | p 37r » |