BL Cotton Titus MS. D IX – page 75v
Llyfr Blegywryd
75v
deudec keinnaỽc a|tal. Hyt galan wheur+
aỽr; deunaỽ a|tal. Hyt galan mei; pedeir
ar|hugeint a|tal. Hyt aỽst. dec ar|huge+
int a|tal. Hyt galan racuyr; vn ar|bym+
thec ar|hugeint a|tal. Hyt galan whe+
vraỽr; dỽy a|deugeint a|tal. Hyt galan
mei; wyth a deugeint. Hyt aỽst. tri vge+
int a|tal. kannys deudec keinnaỽc a|d+
yrcheif arnaỽ yna. a|deudec heuyt pob
tymor hyt galan mei. ac yna teir bl+
ỽyd vyd. ac vn ar|bymthec a|phetỽar
vgeint a|tal yna. ac y|dylyir y dala. a ̷ ̷
phann dalher vgeint a|drycheif ar|y|w+
erth. a|phedeir keinnaỽc cota pan ffrỽy+
ner. ac velly; wheugeint a|tal. Amỽs
a|basccer mis a|hanner. punt a|tal. Pal+
ffrei; morc a|tal. Rỽnsi; wheugeint.
Sỽmervarch; petuar vgeint a|tal. Ra+
ỽn amỽs y|maes o|r goloren. pedeir ar|hu+
geint a|tal. O|r torrir dim o|r golorenn;
gỽerth yr amỽs oll a|telir. LLygat amỽs.
a|e|glust. pedeir ar|hugeint a|tal pob vn.
O|r dellir oll y|werth oll a|telir drostaỽ.
Raỽn rỽnsi; deudec keinnaỽc. ac velly y|ly+
geit. a|e glusteu. Y|neb a|ỽatto|llad march
yn lletrat. Rodet lỽ|petuar|gỽyr ar|hugeint.
| « p 75r | p 76r » |