Cardiff MS. 3.242 (Hafod 16) – page 79
Rhinweddau Bwydydd
79
rad gyntaf. caledu croth a|wnant a chadarnhau gỽres
kyỻa. Os kynn bỽyt y kymerir caledu a wnant. os gỽe+
dy dilifraỽ a|wnant. yr rei bychein crynyon arogleu ̷+
uaỽr ynt. Aualeu; oer a sych ynt a chadarnhau gỽ+
res kyỻa a|wnant. O|r bydant leisson; caledu a wnant
ac anaỽd eu todi. oerach yỽ y rei suryon no|r rei per.
kyuartal yỽ y rei per y·rỽng gỽres ac oeruel. da ynt
y dynyon a|diffyc anyan arnunt. ac rac heint ky+
ỻa. drỽc ynt y|r gieu. kynn bỽyt neu gỽedy y|dylyir
eu|kymryt. Aualeu gronaỽc; oer ynt a|chymedra+
ỽl o wlybỽr a sychtỽr. ac oerach vyd y|rei suryon.
diffodi y colera coch a|wnant. a|chadarnhau y ky+
ỻa a|r auu. O|r byd sych eu graỽn da ynt rac darym+
ret. o|r bydant wlyb da ynt y dynyon gỽressaỽc sych.
o|r bydant dyner; da ynt rac pessychu gỽressaỽc.
Y|rei per a vydant wlyb. ardymherus y·rỽng gỽres
ac oeruel. Kneu frenghic; gỽressaỽc a|gỽlyboraỽc ̷
ynt yn|yr eil rad. a ỻei eu gỽres yn ir. teneu eu risc
teneu o|vyỽn. Kaledu ychydic a wnant. kymedraỽl
y|magant. namyn dolur yn|y|penn a|wnant. gỽaet
da a|wnant. a|da ynt rac gỽenỽyn. Kneu bychein;
gỽressaỽc ynt a sych. ac anaỽd eu todi. a gorthrỽm
y|r kyỻa. a maỽr y magant. a|e kymero ỽynt ar|y
gythlỽng diogel yỽ idaỽ rac gỽenỽyn. o bỽyteir gyt
a ffigys; da ynt rac brath neidyr. Almys; oer ynt
a gỽlyb. ac ardymerus y nerthau yr ysgeueint ac y
lanhau. O morterir ac eu hidlaỽ; kyfartal y magant.
| « p 78 | p 80 » |