BL Harley MS. 4353 – page 25v
Llyfr Cyfnerth
25v
ennaỽc yỽ y neb a| uo yn medu y dylyet dilis.
Gỽercheitwat yỽ y neb a| uo yn kynhal neu yn
gỽarchadỽ dylyet dyn arall. Tri ryỽ vreint
yssyd; breint anyanaỽl. a breint tir. A breint
sỽyd. Tri phriodolder yssyd y pop dyn; ryỽ.
a breint. ac etiuedyaeth. Etiuedyaeth hagen
herwyd breint. breint herwyd ryỽ. ryỽ her ̷+
wyd y| gỽahan a| uyd rỽg dynyon herwyd kyf ̷+
reith. megys y| gỽahan a| uyd rỽg brenhin a
breyr. Ac y·rỽg gỽr a gỽreic. A| hynaf a ieuhaf.
PEdeir rantir a| uyd yn| y tref y talher gỽest ̷+
ua brenhin o·heni. Deu·naỽ troetued a
uyd yn hyt gỽyalen hywel da. A deu naỽ llath ̷+
en y honno a| uyd yn hyt yr erỽ. A dỽy lathen
let. Deudec erỽ a| try·chant y honno a| uyd yn| y
rantir rỽg rỽyd a dyrys a choet a| maes a gỽlyp
a sych eithyr yr oruottref. Ac o rantired hyn ̷+
ny y gelwir amhinogyon tir yg kyfreith.
Tri gỽybydyeit yssyd am tir. henaduryeit
gỽlat y| ỽybot ach ac etrif y dỽyn dyn ar dyly ̷+
et o tir a dayar. Eil yỽ gỽr o pop rantir o|r tref
honno yỽ amhinogyon tir y ỽybot kyfran
rỽg| kenedyl a charant. Try·dyd yỽ pan vo am ̷+
rysson rỽg dỽy tref . Meiri a chyg ̷+
helloryon a righylleit bieu kadỽ teruyneu.
| « p 25r | p 26r » |