Oxford Jesus College MS. 119 (The Book of the Anchorite of Llanddewi Brefi) – page 25v
Ystoria Lucidar
25v
Ar nithlen gantaỽ y dethol y|graỽn o|blith
y peissỽynn. ac y vỽrỽ y gỽyc yn|y tan. ac y
dỽyn y|gỽenith o|e ysguboryev. Gỽrthledit
duỽ pob drỽc y|wrthyt gann dy|gyflehav y+
n|y nef. Ac velly y|teruyna y|llyuyr kynntaf
o annssaỽd yr eglỽys.
Bit laỽen vy eneit. i. ynn|yr arglỽyd am
ry|waret nywylen annwybot y|arnaf|i.
Ac am vy|goleuhav o baladyr doethineb. Vrth
hynny tegỽch yr eglỽys mi a|eruynnaf ytt
gennatav ymi gouyn ytt pethev ereill etỽa.
Gouyn yr hynn a|vynnych. a|thi a|glyỽy yr
hynn a|chỽennychych. Ef am drỽc. nat dim.
A ryfued yỽ y|duỽ kyfuyrgolli engylyon na dy+
nyon yr gwnneuthur peth hep dim ohonaỽ.
os ryỽ beth yỽ drỽc ef a|welir y|mae y|gann
duỽ y|byd. kannys duỽ a|wnnaeth pob peth.
Ac yna y|prouir y|mae duỽ yssyd aỽdur yr
drỽc. Ac vrth hynny kam yỽ bỽrỽ yg|kyfuyr+
goll y|rei a|wnnel drỽc. Gỽir yỽ y|mae duỽ
a|ỽnnaeth pob peth. Ac vrth hynny y|prouir
nat drỽc herỽyd gallu. kannys pob gallu ysyd
da. Ar drỽc nyt oes allu idaỽ. vrth hynny.
nyt dim. A megys y|dyỽedir. dellir yn|y lle
ny bo golỽc. A thywyllỽch yn|y lle ny bo goleu+
| « p 25r | p 26r » |