Oxford Jesus College MS. 119 (The Book of the Anchorite of Llanddewi Brefi) – page 50r
Ystoria Lucidar
50r
yr yn·vydyonn. Ac am garu ohonunt tyỽyllỽch
pechodeu yma. Ac na mynnyssant dyuot y|oleu+
ni crist. vrth hynny y caffant ỽy tyỽyllỽch aru+
thyr yndaỽ o|e poeni. megys y|dyỽedir. ny welant
oleuni yn dragyỽyd. Ac am wellygyaỽ ohonunt
kyffessu y|pechodeu ny bu gewilyd gantunt y
gỽneuthur. vrth hynny y|noethir wyntev yn
dragyỽyd y|baỽp yr keỽilyd. a chythrud yno.
Ac am na mymyssant* welet da na|e glyỽet
yma. yaỽn yỽ eu kyfuleỽni yno o|druan wele+
digaeth. Ac aruthyr glyỽededigaeth. Ac am
drossi ohonunt ar bop pechaỽt mal y|gilyd. tei+
lỽg yỽ rỽymaỽ pob aelaỽt vdunt a chatỽyn+
nev tanllyt yno. Ac ỽynt a damunant aghev
Ac aghev a|ffy y vrthunt. Pa delỽ y|gossodir
ỽynt yno. Ac eu pennev y waeret. A hynny
gefuynev ar y|traet y|vyny. A|ffoennev o|bop
parth vdunt. Ac yn|y kylch. Och eni dyn eiro+
et gann y boeni velle. Beth a|wyly di. beth a|ly+
yngky di dy|dagreu. Diaỽl e|hun a|e aelodeu a
diodeuant hynny. Pỽy yỽ y|aelodev ef. Y rei
balch. A|rei kyghoruynnus. Ar tỽyllỽyr. A|rei
agkyỽir. A rei glỽth. Ar meddỽeint. Ar gody+
on. A|rei a|ladho callanned. A|rei kreulon. A|rei
ffyrnnic. Ar herỽyr. Ar lladron. A|rei budyr.
| « p 49v | p 50v » |