NLW MS. Llanstephan 27 (The Red Book of Talgarth) – page 108v

di ual yd anuones ef trỽy y hun att dy wreic di. Pilatus yna

a|dywaỽt ỽrth Jessu. Po·ny chlyỽy di y|saỽl guhudet a|dywedant

ỽy. ac a|dystant y|th erbyn. ac ny dywedy di dim. Pei na bei uedy+

ant udunt heb·y iessu ny dywedynt dim y|m erbyn. a chanys

gaỻu yssyd udunt y dywedut ỽynt a welont beth a|dywettont

ae drỽc ae da. Ac yna yr|attebaỽd hyneif yr Jdewon. Nyni a

welsam heb ỽynt. ac a dystỽn yn gyntaf. panyỽ o·dieithyr

priodas y ganet hỽnn. A|r eil pỽngk pan yth anet ti y ỻadaỽd

eraỽdyr y meibyon diargywed ym methleem o|th achaỽs. Try+

dyd pỽngk yỽ ffo o Joseph dy dat ti. a meir dy uam yna a|thi

hyt yr eifft. o vot eu hymdiret ym pobyl yr eifft. Ac yna y

dywaỽt rei o|r Jdewon o|r|a|buchynt da idaỽ. ny dywedỽn ni heb

ỽynt y eni ef o|ffyrnigrỽyd. kan gỽdam bot yn briaỽt meir

a Joseph. ỽrth hynny nyt o|ffyrnigrỽyd y ganet ef. Ac yna

y dywaỽt pilatus ỽrth yr Jdewon a|dywedyssynt y eni ef o

ffyrnigrỽyd nat oed wir eu|hymadraỽd. kanys o briodas yd

henyỽ mal y|dywedant rei oc aỽch kenedyl. ac annas a|chaiphas

a|r|ỻuossogrỽyd a|dywedassant yna y eni ef o|ffyrnigrỽyd a|e vot

yn gyuarwyd yn ongar. Ac yssyd yn|dywedut amgen y hynny

canmolwyr ynt idaỽ. ac o|e|disgyblon yd|henynt. Pỽy ynt y

ganmolỽyr ef heb·y pilatus ỽrth annas a chaiphas. Pagany+

eit ynt heb ỽynt. ac a|henynt o|r Jndia y rei a|dywedant na

anet ef o ffyrnigrỽyd. Ac yna y dywaỽt lazar. ac aỽsterius. ac

antỽn. a Jago. a zaras. a|samuel. ac Jsaac. a ffines. a tiropus.

a grippa. ac amos. a Judas. Nyt yttym ni yn|y ganmaỽl ef

na meibyon paganyeit. namyn meibyon Jdewon a gỽirioned

a dywedỽn. kanys ni a vuam yn|y|ỻe ỽrth briodas meir. a galỽ