NLW MS. Llanstephan 4 – page 38v
Purdan Padrig
38v
dirgeled aỽch tadolyaeth chỽi yn ỻeiaf.
Odyna nyt adefỽn i vyth y veint honn
yman yn ofyn a charyat duỽ; nyt am+
gen ỻehau ohonaf|i dim neu y warandaỽ.
A chanys ỻyuassỽn i dywedut o seint
gregor bab gwynuydedic. ỻawer amryỽ
betheu a|wneir yn erbyn yr eneiteu gỽe+
dy yd ymawont a|r|petheu daearaỽl. ac
rac gossot o·honaỽ ef y petheu ỻuossoccaf
yn gorfforaỽl datkanedigaeth hyt pan
dangossei ef aruthred y|r rei trist am eu
gwaỻ. a|chyt gorchymynnei ef a|wyd y|r
rei ỻawen ar ovunet a|vei vỽy a|chỽ+
plau aỽch gorchymun chỽitheu yn an+
rydedussach ar grynodeb y|r rei mul.
kanys gossodedic yỽ yn ỻawer o angre+
iffteu y dyweit y bendigedic bab hỽnnỽ
dyuot engylyon da neu rei drỽc yn
gyndrychaỽl ar diwed yr eneiteu
nyt amgen pan elont o|r kyrff y rei
drỽc a|dynnant yr eneiteu a|r poen
os haedant. a|r rei da a|e tynnant yn
berffeith. ar orffowys. Ef a|dyweit y
pab hỽnnỽ heuyt y gỽybyd yr ene+
ideu weitheu kynn elont o|r korffo+
roed ỻawer o|betheu a|delont rac ỻaỽ
| « p 38r | p 39r » |