NLW MS. 3036 (Mostyn 117) – page 29
Brut y Brenhinoedd
29
wedut yr ymadraỽd hỽn. A|e velly locrinus y tely
di imi y| saỽl vratheu a guelieu a gymereis dros dy
tat tra uum yn kynydu idaỽ. kymryt alltudes he+
diỽ yn wreic it ny ỽdost o py le pan henyỽ. A gỽrth ̷+
ot vy merch inheu. Ednebyd hagen nat prytue ̷+
rth it hynny. ac nat diprit. tra uo y nerth yn| y vre ̷+
ich deheu hon. yr hon a| ladaỽd y saỽl gewri ar tra ̷+
etheu ynys prydein. Ac yuelly y ogyuadaỽ yn vy+
nych dan treiglaỽ y uỽyall. Ac eissoes yd aeth ket ̷+
ymdeithon y·rydunt. Ac y tagnofedỽyt. A chymhell
ar locrinus kymryt merch corineus yn wreic idaỽ.
Ac y kyscỽys locrinus gan wendoleu merch cori+
neus. Ac yr hynny eissoes ny leihaỽys caryat es ̷+
syllt gantaỽ. namyn y gossot y| myỽn daerty yn
llundein. Ac annỽyleit idaỽ y| guassanaethu yn dir ̷+
gel Ac y chadỽ yn diwall. Ac yno y doei ynteu attei
hi yn gudyadan. Ac yuelly y bu yn mynychau attei
seith mlyned heb ỽybot y neb eithyr y annỽyleit.
namyn yn rith aberthu y|r dỽyeu yn dirgel yd aei
ef yno. A beichogi a gafas essyllt. A merch a uu idi.
Ac ar honno y dodet hafren. A beichogi a| gauas
guendoleu. A mab a anet idi hitheu. Ac ar hỽn ̷+
nỽ y dodet madaỽc. Ac y| rodet ar corineus y hen+
tat ar uaeth. Ac ym|pen yspeit guedy marỽ corine+
us ymadaỽ a oruc locrinus a guendoleu. A drychaf+
el essyllt yn vrenhines. A llityaỽ a oruc guendoleu
eithyr mod. A| mynet hyt yg kernyỽ. A chynnullaỽ
| « p 28 | p 30 » |