NLW MS. 3036 (Mostyn 117) – page 59
Brut y Brenhinoedd
59
1
whant guyr rufein y| eur ac aryant mal na atant
2
dynyon odieithyr y byt val yd|ym ni heb ef yn diod+
3
ef perigleu yr eigaỽn y myỽn ynyssed heb gymhell
4
teyrnget arnadunt. A menegi idaỽ nat oed diga+
5
ỽn gantaỽ keissaỽ teyrnget namyn tragywydaỽl
6
geithiwet. A bỽrỽ eu rydit y gantunt yr hon yd oed+
7
ynt ỽy yn buchedoccau o·honei. A menegi y vl·kess+
8
ar nat herwyd keithiwet y dylyei adolỽyn udunt.
9
namyn herwyd kerenhyd. kanys o vn llin pan han+
10
hoedynt. kanys rydit ry| ordyfnassynt ỽy yn gyme+
11
int ac na wydynt beth oed geithiwet. A rydit hon+
12
no bei keissei y| dỽyeu y| dỽyn y| genhym. ni a| lafury+
13
em yn| y veint y| gallem yn hamdiffyn. Ac ỽrth hyn+
14
ny menegi y vlkessar an bot ni yn paraỽt y ymlad
15
dros an gulat Ac an rydit. A thros y teyrnas os euo
16
a geissei dyuot ynys prydein megys y| gogyuadawei.
17
A Guedy datganu y llythyr hỽnnỽ y vlkessar ky+
18
nullaỽ llyghes a| wnaeth ynteu ỽrth dỽyn ar
19
weithret yr ymadraỽd a anuonassei yn| y lythyr
20
ar gaswallaỽn. A guedy kaffel damunedic wynt.
21
drychafel eu hỽyleu a dyuot y aber temys yr| tir. Ac
22
yna y| doeth kaswallaỽn a holl gedernyt ynys pry+
23
dein gantaỽ yn eu herbyn y am beli tywyssaỽc y
24
ymladeu a|e penteulu a|e deu nyeint. Auarỽy ty+
25
wyssaỽc llundein. A theneuan tywyssaỽc kernyỽ.
26
A chreidu brenhin prydein. A guerthaed brenhin
27
gỽyned. A brythael brenhin dyuet. Ac y am hynny
| « p 58 | p 60 » |