NLW MS. Peniarth 11 – page 172v
Ystoriau Saint Greal
172v
A Rglỽydes heb·y|morỽyn y gadeir. y marchaỽc urdaỽl yma
a iachaaỽd ymi vy eneit. kanys ef a|ladaỽl* y ỻew yn w+
raỽl. o achaỽs yr|hỽnn ny lyuassei haeach o|dynyon dyuot at+
tat ti. a|byd ditheu lawen ỽrthaỽ ef. Ny aỻaf|i heb yr arglỽyd+
es wneuthur idaỽ ef mỽy o lewenyd noc a|wnaf. kanys yd
ym yn aros dyuotyat marchaỽc da o|r|dyd py gilyd. Ac nyt o+
es yn|yr hoỻ vyt dim kymeint vy namunet a|e|welet. Ar+
glỽydes heb·y clamados pỽy yỽ marchaỽc da hỽnnỽ. Mab
y wreic wedỽ o gamalot. A|wydyut ti heb ef dywedut ymi yn
wir a|daỽ ef yman. veỻy yd ỽyf yn|y debygu heb hi. Arglỽydes
heb ef. ef a|vydei digrif gennyf|i hynny. a|duỽ a|wnel idaỽ dyuot.
A varchaỽc heb hi pỽy dy henỽ di. arglỽydes heb ef. ef a|m gelỽ+
ir i clamados o|r gỽasgaỽt. a|m tat i bioed y fforest honno. Ac
yna hitheu a|aeth dỽylaỽ mynỽgyl idaỽ ef. ac a|dywaỽt ỽrth+
aỽ. Na vit ryued gennyt ot yttỽyf yn gỽneuthur ỻewenyd
ytt. kanys vy nei uab vy chwaer ỽyt. a mi a vynnaf dy uot
ti yn arglỽyd arnaf|i ac ar y meu. a|r morynynyon* o|r pebyỻ
a|wnaethant lewenyd maỽr idaỽ. kanys gwydynt y vot yn
gyfagos y|r arglỽydes. Yno y buant yn hir yn|trigyaỽ yn aros
dyuotyat paredur. ac yn ryued ganthunt y|drigyan. kanys
y vorwyn a|vuassei yn|y vedeginyaethu a|oed yno. ac a|dywa+
ỽt y vot yn iach. ac am hynny yd|oed lewenyd maỽr ganth+
unt. Eissyoes laỽnslot nyt oed agos y iach.
T ystolyaethu y mae y kyuarwydyt yma. panyỽ paredur
a hanoed o|lines iosep o arimathia. ac am hynny y
dylyir gỽarandaỽ yn|ỻawen pob parabyl o|r a|del y ỽrthaw.
| « p 172r | p 173r » |