Breudwd Welsh Prose 1300-1425
Cymraeg

NLW MS. Peniarth 11 – page 193r

Ystoriau Saint Greal

193r

a|tharyan idaỽ gynhebic y daryan baredur y weith gyntaf y
kyfaruv ac ef. kanys eureit oed a chroes goch yndi. Ac yna
gỽalchmei a|alwaỽd ar|y meudỽy aỻan ac a|e dangosses idaỽ
a atwaenost ti y marchaỽc racko heb ef. atwaen heb y|meudỽy
paredur ˄yỽ. Bendigedigedic* vo enỽ duỽ heb·y gỽalchmei. Yna gỽalch+
mei a|aeth ar y draet yn|y erbyn. a|pharedur a|disgynnaỽd
yna yr aỽr y gỽeles gỽalchmei. a|dywetut. Grassaỽ duỽ ỽrthyt
heb ef a henpych gỽeỻ. antur|da a rodo duỽ y titheu heb·y
gỽalchmei. Arglỽyd heb y meudỽy byd laỽen weldyma wal+
chmei. anryded a|ỻewenyd a|wnel duỽ idaỽ heb·y paredur.
ac ueỻy y dylyei baỽp o|r a|e|hadnapei dywedut. Ac ar|hynny
y dwylaỽ mynỽgyl yd aethant. Arglỽyd heb·y paredur a
wdost di dywedut y mi vn chwedyl y ỽrth varchaỽc urdaỽl.
yr hỽnn a|vu yn|y tỽrneimant yn|y ỻannerch goch. Pa|ryỽ
daryan oed idaỽ ef heb·y gỽalchmei. Taryan o sinopyl heb+
y paredur ac eryr eur yndi. ac ny weleis i eirmoet na laỽnslot
nac araỻ sythach na thrymach y|dyrnodeu noc ef. Arglỽyd heb
y gỽalchmei. y|mae ytti dywedut a vynnych. a myui a vum
yno ac a ymweneis a marchaỽc urdaỽl. a tharyan wenn idaỽ.
y* hỽnn yd oed hoỻ vilwryaeth y byt yndaỽ wedy ỻettyu. Je
heb·y paredur. ny wybuost di oganu neb eiryoet. 
A R hynny y|r meudỽydy yr aethant. arglỽyd heb·y gỽal+
chmei pan vuost di yn ỻys arthur yr kyrchu y dary+
an yssyd yma. yr oed yno dy chwaer di wedy erchi nerth y|r
brenhin a|chanhorthỽy. ac yn vn o|r rei reityaf idi ỽrth nerth
o|r byt. nyt amgen nerth a geissyei no|r neb pieiffei dỽyn y
daryan. a thitheu a dugost y daryan. a hitheu a nodes arnat
ti