NLW MS. Peniarth 31 – page 19r
Llyfr Blegywryd
19r
1
a uynnei y lad. Pymet yỽ mynet ygketymde+
2
ithas y llofrud pan el y lad dyn. Whechet yỽ dy+
3
uot y gyt ar llofrud yr tref y bo y dyn yndi a lad+
4
her. Seithuet yỽ kymorth y llofrud o lad dyn.
5
ỽythuet yỽ arrỽydaỽ dyn hyny del y dyn a|e lla+
6
do. Naỽuet yỽ edrych ar lad dyn gan y odef.
7
Dros. pop vn o|r tri kyntaf o|r affeithoed ot adeuir.
8
naỽ vgeint a|telir. A llỽ canhỽr y diwat gellỽg
9
y waet o|r gouynnir. Dros pop vn o|r eil tri. deu+
10
naỽ vgeint a telir. A llỽ dau canhur y diwat llof+
11
rudyaeth. Dros pop vn o|r tri diwethaf y telir
12
tri naỽ vgeint aryant a llỽ tyrichanhỽr* y diwat
13
llofrudyaeth o|r gouynnir. Pỽy bynhac a diwat+
14
to llofrudyaeth a|e haffeitheu yn hollaỽl; llỽ deg
15
wyr a deugeint a dyry. a reith y wlat yỽ honno.
16
a diwat coet a mays y gelwir. Ac yn gyffelyb y
17
hynny pỽy bynhac a watto llofrudyaeth ar wa+
18
han y ỽrth yr affeitheu. neu vn affeith heb am+
19
gen. llỽ degwyr a deugeint a dyry. Ac val hyn+
20
ny y may am losc ac am letrat. Ac eu haffei+
21
theu o|r holir y llosc o letrat. Ac o llos+
22
gir dyn yn|y tan hỽnnỽ; tri dyn diofredaỽc a
23
dylyant vot yn|y reith. Pỽy bynhac a adefho
24
galanas; ef a|e genedyl a talant yn gỽbyl
| « p 18v | p 19v » |