NLW MS. Peniarth 33 – page 130
Llyfr Blegywryd
130
brenhin. os o|hẏnnẏ ẏd ardelw. Te+
ir bu a|telir ẏn sarhaet teuluỽr ̷
breẏr. nẏt amgen. tri buhẏn talbe ̷+
inc Vn werth vẏd ẏ|neb a rother
ẏg gỽẏstẏl a|r|ẏ rother ef drostaỽ.
O |r kẏmer gỽr wreic o|rod kene+
dẏl ac os gat kẏn penn ẏ|sei+
th mlẏned ẏ|wrthaỽ. talet idi teir punt
ẏnn|ẏ hegỽedi. Os merch breẏr vẏd.
punt a|hanner ẏnn|ẏ chowẏỻ. a|whe+
ugeint ẏnn|ẏ gobẏr. Os merch taẏ ̷+
aỽc vẏd. punt a|hanner ẏn|ẏ heg+
uedi. a wheugeint ẏnn|ẏ chowyỻ
a pedeir ar|hugeint ẏnn|ẏ gobẏr
Os gỽedi seith mlẏned ẏ|gat ef hi.
bit rann deu|hanner ẏrẏdunt
onnẏt breint a|dẏrẏ ragor ẏ|r gỽr
Deuparth ẏ|plant a|daỽ ẏ|r gỽr.
ẏr hẏnaf. a|r|ieuhaf. a|r traẏan
ẏ|r vam Os agheu a|e gỽahan;
bit rann deu|hanner ẏrẏdunt
o|pob peth. Sarhaet gỽreic ỽr ̷+
ẏaỽc. herỽẏd breint ẏ|gỽr ẏ|telir
idi. nẏt amgen herỽẏd breint
| « p 129 | p 131 » |