NLW MS. Peniarth 45 – page 141
Brut y Brenhinoedd
141
eth pỽy oed dat y mab ac y dywaỽt hitheu
arglỽyd urenhin heb hi nyt adnabuum i ỽr
eiroet ac ny ỽn pỽy a creỽys y mab ym ca+
lon. Namyn hyn a|ỽn. Pan yttoedỽn ym
plith uyng kedymdeithesseu yn|yr hundy. ~
Nachaf y gwelỽn yn drych gỽr ieuanc te+
kaf yn|y byt. Ac yn dodi y dỽylaỽ ymdanaf
ac ym caru. Ac o|r diwed kydyaỽ a|mi trỽy
uy hun am hadaỽ yn ueichaỽc. A gỽybydet
dy doethineb di arglỽyd na bu y mi eiroet
achos a|gỽr namyn hynny megys y bei dat
idaỽ amgen no hynny. Ac anryuedu yn ua+
ỽr a wnaeth y brenin. hynny. Ac erchi dỽyn me+
ugant dewin attaỽ y ouyn idaỽ a allei hyn+
ny uot yn wir. Ac yna y dywaỽt meugant
y keffit yn llyfreu y doethyon ac yn llawer
o ystoriaeu bot llawer o dynyon aryỽ ane+
digaeth honno udunt. Apulenis heb ef a|dy+
weit pan traetha o duỽ ar seint. Bot ryỽ
genedyl o yspryt yn pressỽylaỽ y rỽng y lleu+
at ar dayar. Ar rei hynny a alỽn ni dieuyl
gogỽydedic. Ar rann yndunt o|r dayar. Ac o
dynaỽl anyan. A rann arall o engylyon. A
ffan uynhont y gallant y* gallant* kymryt
dynaỽl furuf arnadunt a chydyaỽ ar gỽra+
ged ac atuyd un orei hynny ar doeth ar
wreicda honn ac a|e beichoges pan gaffat
| « p 140 | p 142 » |