Breudwd Welsh Prose 1300-1425
Cymraeg

NLW MS. Peniarth 45 – page 230

Brut y Brenhinoedd

230

paỽb y uynet yỽ gỽlat y ymparatoi erbyn
kalan aỽst. A gorchymyn y paỽb dyuot y
porthua douyr yn llỽyr. ỽrth gychwyn
y gyt yn erbyn yr amheraỽdyr. Ac yna
yd anuones arthur at yr amheraỽdyr y uot
ef yn dyuot y uynet parth|a ruuein. Ac nyt
yr uuudhau udunt. Namyn yr kymell ar+
nadunt yr hyn yd oedynt hỽy trỽy anyly+
et yn|y erchi idaỽ ef. Ac yd aeth y kennadeu
ac yd aeth paỽb o|r brenhined ar tywyssogy+
on y ymparatoi yn lluyd mal y hedeỽssynt. ~
AC gwedy gwarandaỽ o les amheraỽdyr.
ruuein. atteb arthur gan y kennadeu. Anuon
gwys a oruc ynteu at urenhined y dỽyrein
o gyghor sened ruuein. y erchi y paỽb lluydaỽ y
gyt ac ef am pen ynys prydein. y estỽng arthur.
Ac y doethant yr wys honno. Epistrophus
urenhin groec. Mustensar urenin. yr affric.
Eliphant urenin. yr yspaen. Hirthacus urenin.
parth. Bocus urenin. mydif. Sextorius urenin.
libia. Serxes urenin. iturea. Pandrasus urenin.
yr|eifft. Euander urenin. sirya. Misipsa urenin.
babilon. Polidetes duc bitynia. Teuther duc
frigia. Echion urenin. boeith. Jpolit urenhin
creta. Ac y am hynny tywyssogyon a ieirll a