NLW MS. Peniarth 9 – page 56v
Ystoria Carolo Magno: Rhamant Otfel
56v
yn|y vrỽydyr y delit ef. Ac yr vrathỽyt val hyn.
vnbennes vonhedic heb yr almaffethen yr ma+
humet pa ham y gỽetwery di ni. kymeint yỽ
heuyt llit yn calonneu ac na allỽn ychwerth+
in kyt ys mynhem pỽy a|wnayth hyny ychwi
heb hitheu. edrych na|s helych ragof. y mỽ+
ynard hỽn a deu ereill heb yn +
teu a ladyssant penneu cant oc yn paganyeit
hediỽ pan vo lleiaf. A chlarel dy orderch a erch+
is ititheu yr y|garyat ef gadỽ hỽn yn da a syn+
nyeit ỽrthaỽ. ymhoylỽch ychwi bellach heb hith+
eu a delỽch etwa rei ereill. a dygỽch attaf i. hỽy.
ef a|daỽ yr haf kyn gallu o·honam ni hyny
heb hỽynteu a cherdet dracheuyn a orugant.
Ac yna y dywaỽt yr vnbenes hegar ỽrth yr
iarll. dabre di bellach heb hi a|thi a geffy ansa+
ỽd da arnat a lletty. a dywet ym dy enỽ. a|ffỽy
dy|uoned. Oger yỽ vy enỽ heb ynteu lydanais.
Ac yn llys charlys amheraỽdyr y may vy
genedyl. heb y vorỽyn mi a|th adwen bellach
yn da digaỽn heb hi. Ac yna y teir moryn+
nyon a arwedyssant oger hyt y dan oliwyd+
en. Ac odyna yn gyntaf a ỽrteithyssant y
varch ac a|y dugant yr ystabyl. A gỽedy hyn+
ny a|dynnassant y arueu y amdanaỽ ynteu.
Ac odyna y golchyssant y vratheu yn destlus
ac a|y dodyssant y gyscu. Ac a royssant idaỽ
llyssewyn bendigeit rinwedaỽc y vỽyta
ar blanhyssei duỽ y hun yn|y erber. holl y iech+
| « p 56r | p 57r » |