Cambridge Trinity College MS. O.7.1 – page 57v
Llyfr Blegywryd
57v
yr hyn a uarnassei y ereill ỽynt a
dylyant y eturyt heb amgen poen
ony oruyd arnaỽ gỽynaỽ racdunt
ual rac y braỽdỽr. Os y braỽdỽr a or+
uyd; atueret y cỽynỽr y da oll drch* ̷+
efyn. Ny henyỽ o wassanaeth braỽ ̷+
dỽr rodi barn tremyc. Ac ỽrth hynny
ny dyly y brenhin atteb dros a wnel
y maes oe wassanaeth dylyedus Tri
ryỽ varn tremyc yssyd. Vn yỽ barn
a rother yn erbyn dyn nys clyỽho
pan datganher gyntaf y myỽn llys
nac ympell nac yn agos y bei. Os
ympell y bei; y arhos a dylyit hyt
pan ymdangossei yn|y llys or gellit y
gaffel ỽrth gyfreith yn amseraỽl.
Eil yỽ braỽt a rother ar dyn kydychaỽl* trỽy
ỽrthrymder o pleit y brenhin. neu
y braỽdỽr neu wyr y llys. Trydyd
yỽ barn braỽdỽr anheilỽg. Tri
dyn yssyd ny digaỽn vn o·honunt
bot yn vraỽdỽr teilỽg o gyfreith.
vn yỽ dyn anafus. megys dall neu
vydar. neu glafỽr neu dyn gorffỽyll ̷+
| « p 57r | p 58r » |