BL Additional MS. 19,709 – page 43v
Brut y Brenhinoedd
43v
yn dineu o|r ỻogeu y|r tir a ỻawer o niferoed
ganthunt o|r gvydyl a|r yscotteit a|r fichteit a|r
ỻychlynwẏr a gvyr denmarch a|phob kenedyl o|r
a aỻassant y gaffel y·gyt ac vynt a gỽereskyn yr
alban yn dianot o vyỽn y mur. a gỽedy gỽybot
onadunt yr vẏnet gvyr rufein y ymdeith heb ym+
choelut drachefyn ehofnach noc y gnoteynt yd
ymranyssant y distryỽ y|mur. ac yna y gossodet
y|ỽ hamdiffyn ỽynteu y bileinỻu diruavr ag ̷ ̷+
hyfrỽẏs ar ymlad. paraỽt ar|ffo bei ass|lefessynt
ac ny orffowyssynt y gelynyon o vỽrỽ agheuol+
yon ergytyeu yn eu plith ac o vỽrỽ bacheu gvr+.
thvynebavc vrth linyneu. ac veỻy y trymyon
vileinỻu o|r kestyỻ ac o|r kaeroed a|d·ynynt hyt y
ỻavr ac yna drỽy amryỽ boeneu y gorffenynt
eu hageu a|digavn o didan ac o da oed gan y neb
a gaffei y|ryỽ agheu hvnnv arnaỽ rac y ryỽ amry+
faylon boeneu a welynt y|wneuthur ar eu kereint
ac eu ketymdeithon yn eu gvyd. Oi a duv mavr a
beth gỽelet dvywavl dial ar y bobyl am eu hen bech+
odeu. kanys pei bydynt yna y|savl varchogyon a
ducsei vaxen gantav drvy y ynuytrvyd a|e syber+
wyt ny deuei bobyl y ynys. prydein. a aỻei oruot arnadunt
ac amlỽc oed bot yn wir hyny hyt tra vuant vyn+
teu a|weryskynassant y gvladoed a|r brenhinaetheu
o agos ac o beỻ y vrth·unt. ac a gynhelynt ynys. prydein.
hefyt yn araf ac yn hedỽch. ac ueỻy y damwein+
ha pan adaỽher y vrenhinyaeth y|r bilein creulavn+
| « p 43r | p 44r » |