BL Additional MS. 19,709 – page 4r
Ystoria Dared
4r
nadeu y gan agamemnon y adolỽyn kygreireu deir blyned
ac ector a|gymerth yn drỽc arnaỽ hyt yr oed y hadolỽyn. ac
yna priaf a o·vynỽys a oed da gan baỽb rodi yr oet. ac y baỽb
yn gyfun y|regis bod gvneuthur kygreir teir blyned a gỽyr
goroec. Ac yna gvyr goroec a atnewydassant eu muroed a
phob rei ohonunt o|pop parth a vedegyniaethassant eu gỽyr
brathedic ac a gladassant y meirỽ yn an·rydedus. ac yn hyny
y|daruu yspeit y|teir blyned ac y|deuth oet yr ymladeu
ac ector a|throilus ac eneas a tynyssant eu ỻu y|maes.
agamemnon a melelaus ac achil. ac aerua vavr a vu y+
rydunt ac yn yr ymgyuaruot hvnỽ ector a|ladaỽd frigius
ac antipus a minonem tywyssaỽc o roec. ac achil a lada+
ỽd liconius ac eufrabus a ỻawer o vilyoed o|r bobyl o|pop
parth a|dygỽydassant. ac yn greulavn vychyr|yr ymlad+
yssant dec niwarnavt ar|hugein y·gyt. a gvedy gỽelet
o briaf ry lad ỻawer o|e lu. kenadeu a anuones at aga+
memnon y|a·dolỽyn kygreir whe|mis idav ac o gytsyne+
digaeth y gyghorwẏr agamemnon a ganhattavys y|gyg+
reir. ac amser yr ymladeu a deuthant. a deudec niwarnaỽt
duuntu yn greulaỽn yr ymladassant a ỻawer o|r tywys+
sogyon devraf o|pop tu a|las. a ỻawer a vrathvyt a ỻawer
yn|y medeginyaethu a vuant veirỽ. ac yna agamemnon
a a·nuones genadeu at briaf y adolỽyn kygreir dec ni ̷+
warnavt idaỽ ual y geỻynt gladu y gvyr a|ladysit vdunt
a|phriaf wedy kymryt kygor y|wyrda a|rodes yr oet a gỽe+
dy dyuot yr oet a|r amser. Andromacka wreic ector a|we+
las drỽy y chỽsc na dylyei ector uynet y|r ymlad y dyd
hỽnỽ. a|phan datkanvys hi y breidỽyt idaỽ ef gỽreigyaỽl
| « p 3v | p 4v » |