Cardiff MS. 1.362 (Hafod 1) – page 68r
Brut y Brenhinoedd
68r
gantaỽ. Ac yna yd erchit idaỽ yn|y lle ỽneuthur dia+
ỽt vedeginyaeth a|e rodi yr brenhin. Ac sef a|wnaeth
y bradỽr yna gỽneuthur diaỽt. a chymyscu gỽenỽyn
a hi. A|e rodi yr brenhin. A gỽedy yuet o|r brenhin y di+
aỽt. Erchi a oruc y bradỽr yscymun idaỽ orffowys.
A chyscu. hyt pan vei vỽy yd argywedei y gỽenỽ+
yn idaỽ. Ac ufydhau a wnaeth y brenhin ỽrth
gyhor* y bradỽr. A chyscu. Megys kyt bei kymryt
iechyt deissyuyt a wnelei o|r diaỽt. Ac eissoes heb
vn goir redec a wnaeth y gỽenỽyn ar hyt y gỽy+
thi. Ac ym pop lle ar hyt y korff. Ac yn ol hyn+
ny nachaf yr agheu yn dyuot yr hỽn nyt arbedei
neb. Ac yn gỽanhau yr eneit ar corff. Ac ym plith
hynny eissoes llithraỽ a wnaeth yr yscymun vra+
dỽr hỽnnỽ rỽg vn ac arall y maes o|r llys. Ac ny
welat o hynny yn|y llys.
AC yna tra yttoedit yn gỽneuthur y petheu
hyn yg kaer wynt; yd ymdangosses seren
ryued y meint a|e eglurder. ac vn paladyr idi.
Ac ar pen y paladyr pellen o tan ar lun dreic. Ac o ene+
u y dreic deu paladyr yn kerdet. Ar lleill onadunt a
welit yn ymestynnu dros eithauoed ffreinc. Ar
llall parth a mor iwerdon. Ac yn rannu yn seith pa+
ladyr bychein. A|phan ymdangosses y seren honno.
ofyn maỽr a gymyrth paỽb o|r llu yndunt rac er
enreuedaỽt hỽnnỽ. Ac sef a|wnaeth vthur
pen dreic eissoes pan welas y seren. gan diruaỽr
galỽ attaỽ y doethon. A gouyn vdunt peth a|arỽy+
doccaei y seren honno. Ac ym plith paỽb o hynny.
| « p 67v | p 68v » |