BL Harley MS. 958 – page 50r
Llyfr Blegywryd
50r
ẏ brenhin dỽẏn ẏ tir rac hỽnnỽ o|gẏfreith.
O |R ẏmlad gỽr escob neu abat a gỽr y
brenhin ar tir ẏ brenhin; neu deu ỽr
ẏr escob; neu deu ỽr ẏr abat; neu ỽr ẏr escob
a gỽr ẏr abat. ẏ brenhin bieu eu dirỽẏon.
Pỽẏ|bẏnhac a artho tir dẏn arall dros naỽd
ẏ brenhin. pedeir keinnaỽc kẏfreith a tal
ẏ perchen ẏ tir dros agori daẏar. A phedeir kei+
naỽc kẏfreith dros diot ẏr aradẏr o|r daẏar.
A|cheinhaỽc dros pob kỽẏs a ẏmchoeles ẏr
aradẏr. Ac onẏ ỽẏbẏdir rif ẏ kỽẏsseu. troed+
ued uẏd ỻet pob cỽẏs. Y brenhin a geiff ẏr
aradẏr a|r sỽch a|r cỽỻtẏr a|r ẏchen. a gwer+
th ẏ troet deheu ẏ|r amaeth. A|gỽerth ẏ ỻaỽ
deheu ẏ|r geilwat. Y neb a gudẏo dim ẏ mẏ+
ỽn tir dẏn araỻ trỽẏ glad. perchen ẏ tir bie+
uẏd ẏ gudua o·nẏt eurgraỽn uẏd. kanẏs bren+
hin bieu pop eurgraun kudẏedic. A|phedeir kei+
naỽc kẏfreith o agori daẏar. Y neb a|glatho
annel ẏ mẏỽn tir dẏn arall. perchen ẏ tir a
geiff ẏ gantaỽ pedeir keinhaỽc kẏfreith dros
agori daẏar a|r bỽẏstuil a dalher ẏndaỽ heuẏt.
Y neb a|glatho pỽỻ odẏn ar tir dẏn arall
heb ẏ ganhat. perchen ẏ|tir bieiuẏd ẏr odẏn
a phedeir keinhaỽc kẏfreith o agori daẏar.
a|thri|buhun camlỽrỽ ẏ|r brenhin. Y neb
| « p 49v | p 50v » |