Oxford Jesus College MS. 119 (The Book of the Anchorite of Llanddewi Brefi) – page 93r
Buchedd Dewi
93r
*Yma y|treithir o ach deỽi ac o|dalym o|e uuched.
DAuyd vab sant. vab keredic. uab kuneda. vab
edern. vab padarnn peisrud. vab deil vab gor+
deil. vab dỽuyn. vab gordỽuyn. vab amguoel. vab
amỽeryt. vab onut. vab perim. vab dubim. vab
ongen. vab auallach. vab eugen. vab eudoleu.
vab chỽaer veir wyry vam Jessu grist. ~ ~ ~ ~ ~
Keredic vrenhin a|wledychaỽd laỽer o|vlỽyny+
ded. Ac o|e enỽ ef y kauas keredigyaỽn y|henỽ.
A mab a uu idaỽ. Ac enỽ y|mab oed sant. Ac y|hỽn+
nỽ yr ymdangosses angel yn|y hvn a|dyỽedut ỽr+
thaỽ. auory heb ef ti aey y|hely. A|thi a|geffy tri
dyuot ger lan auon teiui. nyt amgen. karỽ. a
gleissat. A heit wenyn y|myỽn prenn vch benn
yr auon yn|y lle a|elỽir yr aỽr honn henllan. dyro
dylyet y|tir y|gadỽ y|vab ny anet etỽo. ef bieiuyd
deu le hyt dydbraỽt y|rei a|dyỽetpỽyt vchot.
linhenllan. A litoninancan. Odyna y|doeth padric
hyt yglyn rosin. Ac y|medylyaỽd dỽyn yno y|uu+
ched. Ac angel a|doeth at padric ac a|dyỽat ỽr+
thaỽ. Adaỽ ti heb ef y lle hỽnn y|vab ny anet etỽo
Sef a oruc padric llidiaỽ a|dyedut* paham y|tre+
mygaỽd yr arglỽyd y|ỽas a uu yr yn vab yn gỽa+
ssanaethu idaỽ. drỽy ouyn a|charyat. ethol o+
honaỽ ynteu yr aỽr honn mab ny anet ac ny
The text Buchedd Dewi starts on line 1.
| « p 92v | p 93v » |