Breudwd Welsh Prose 1300-1425
Cymraeg

NLW MS. Llanstephan 27 (The Red Book of Talgarth) – page 128r

Ystoria Titus

128r

ninneu a|e rannỽn ỽy y bedeir|bann y byt. Bit rann ytti
ac araỻ y minneu. a|r dryded rann y|th wyr di. a|r bedwared
rann y|m gỽyr inneu. ac ueỻy y rannyssant. A cheissyaỽ a
wnaethant y wreic yr oed gosged yr arglỽyd genthi. ac y
dugant y arnei kyt bei anuod genthi. a rỽymaỽ pilatus.
ac anuon pob peth o hynny y ruuein att tiber amheraỽdyr.
A phan weles veronic hynny. mynet a|oruc hitheu yn ol
y drych. a|r niuer a anuonet a aethant trỽy vordỽy hyt yn
ruuein yn|y ỻe yd oed yr amheraỽdyr. a datkanu idaỽ bop
peth o|r a|daroed o|r|dechreu hyt y diwed. a|r gỽyrtheu a|wnaeth
crist kynn y diodef. a|chyuodi o·honaỽ yn vyỽ gỽedy y gla+
dedigaeth. a|r mod yd esgynnaỽd y nef. a phaỽp yn edrych
arnaỽ ym|penn y deu·gein·uet dyd gỽedy y gyuodi o veirỽ.
a|r delỽ y rydhaaỽd titus o grangk gan gredu idaỽ. ac ual
y dialaỽd ynteu ar yr idewon y angeu ef. ac enryued vu
hynny gan yr amheraỽdyr. a dywedut. Byỽ yỽ yr|arglỽyd
pei gaỻyssỽn i welet y proffỽyt hỽnnỽ. ef a|aỻyssei vy iach+
au i o|r clafri yssyd arnaf. Heb y kennadeu. titus a vas+
pasian a|anuonassant attat ti drych wyneb yr arglỽyd
yr hỽnn a gymerassei wreic y ganthaỽ ar liein o|e garyat
a rydhayssei ynteu hi o heint a vuassei arnei yr ys deu+
deng|mlyned. heb aỻu gỽaret idi o neb. ac a vei a heint ar+
naỽ ac a|welei y drych hỽnnỽ a geffynt iechyt yn|diannot.
Dangossỽch chỽitheu y mi y drych hỽnnỽ heb yr amher+
aỽdyr. ac yn|diannot y dugant y drych rac y vronn. a ve+
ronic a ganlynaỽd y drych. a ỻawer o|dynyon heinus
ry dathoed yno yr|disgỽyl ar hynny. A phan doeth y|drych