NLW MS. Llanstephan 4 – page 45r
Purdan Padrig
45r
bechodeu. reit yỽ ytti y neiỻ ae gỽneu+
thur hynny angheu yn angheu yn
wraỽl. ae ynteu trỽy lesged mynet dy
eneit a|th gorff yng|kyfyrgoỻ yr hynn
ny damchỽeino ytti. Yn|y|ỻe amgen
gỽedy yd elom ni y ỽrthyt ti. ef a|daỽ
ỻoneit y ty hỽnn attat o diefyl. ac a
dygat ytt boen gorthrỽm. ac a vegyth ̷+
yant dy dỽyn ˄y boeneu a vo mỽy a|thrymach.
ac ỽynt a|gynigyant ytti dy dỽyn|dra+
chefyn y|r porth yn|didrỽc heb poen
gan vedylyaỽ keỻweir ytt. Ac o gaỻant
ỽy dy dỽyỻaỽ di veỻy neu dy oruot o ̷
godyant eu poeneu neu o aruthred eu
bygythyeu. neu o gytlynu o·honat ac ̷
eu hadaỽeu gan adu dy dỽyỻaỽ dy
eneit a|th gorff a ant yng|kyfyrgoỻ ygyt.
O|dody ditheu dy ffyd a|th obeith yn ga+
darn yn|yr arglỽyd val hynn yma. na
ostyngy di yr eu poeneu ỽy nac yr eu
bygythyeu. nac yr eu hadaỽeu. namyn
megys eu tremygu yn wastat; ef a|th
burheir o|th hoỻ|bechodeu. ac ygyt a|hynny
ti a|wely y poeneu a darparỽyt y|r pe+
chaduryeid. a gorffowys y|r rei gwiry+
on yn ỻewenyd bit duỽ y|th gof yn
| « p 44v | p 45v » |